Thaburi 149

1 Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

Praise ye Jehovah. Sing to Jehovah a new song, and his praise in the assembly of the sanctified.

2 Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

Let Israel rejoice in him who made him. Let the sons of Zion be joyful in their King.

3 Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

Let them praise his name in the dance. Let them sing praises to him with timbrel and harp.

4 Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

For Jehovah takes pleasure in his people. He will beautify the meek with salvation.

5 Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

Let the sanctified exult in glory. Let them sing for joy upon their beds.

6 Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

The high praises of God are in their mouth, and a two-edged sword in their hand

7 nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

to execute vengeance upon the nations, and punishments upon the peoples,

8 nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

to bind their kings with chains, and their ranking men with fetters of iron,

9 nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.

to execute upon them the judgment written. All his sanctified have this honor. Praise ye Jehovah.