Thaburi 146

1 Goocai Jehova. Wee ngoro yakwa-rĩ, gooca Jehova.

Praise ye the LORD! Praise the LORD, O my soul!

2 Ndĩgoocaga Jehova hĩndĩ ĩrĩa yothe ngũtũũra muoyo; ndĩrĩinaga, ngoocage Ngai wakwa rĩrĩa rĩothe ngũtũũra muoyo.

I will praise the LORD, as long as I live; I will sing praises to my God, while I have my being.

3 Ndũkanaige mwĩhoko waku harĩ anene, kana harĩ andũ, arĩa matangĩhota kũhonokania.

Put not your trust in princes, In the son of man, in whom is no help!

4 Rĩrĩa roho wao wameherera, macookaga o tĩĩri-inĩ; mũthenya o ro ũcio mĩbango yao ĩtuĩkaga ya tũhũ.

His breath goeth forth; he returneth to the dust; In that very day his plans perish.

5 Kũrathimwo-rĩ, nĩ mũndũ ũrĩa ũteithio wake uumaga kũrĩ Mũrungu wa Jakubu, ũrĩa mwĩhoko wake ũrĩ harĩ Jehova Ngai wake,

Happy is he that hath the God of Jacob for his help; Whose hope is in the LORD, his God;

6 Mũũmbi wa igũrũ na thĩ, na iria, na kĩrĩa gĩothe gĩtũũraga thĩinĩ wacio: ũcio nĩwe Jehova, ũrĩa ũtũũraga arĩ mwĩhokeku nginya tene.

Who made heaven and earth, The sea, and all that is therein; Who keepeth truth for ever;

7 Nĩarũgamagĩrĩra kĩhooto kĩa arĩa ahatĩrĩrie, na akahe arĩa ahũtu irio. Jehova nĩwe wohoraga arĩa mohetwo,

Who executeth judgment for the oppressed; Who giveth food to the hungry. The LORD setteth free the prisoners;

8 Jehova nĩahingũraga maitho ma arĩa atumumu, Jehova nĩatiiraga arĩa mainamĩte, Jehova nĩendete andũ arĩa athingu.

The LORD openeth the eyes of the blind; The LORD raiseth up them that are bowed down; The LORD loveth the righteous.

9 Jehova nĩamenyagĩrĩra andũ a kũngĩ, na agatũũria ciana cia ngoriai o na mũtumia wa ndigwa, no njĩra cia andũ arĩa aaganu nĩacirigiicaga.

The LORD preserveth the strangers; He relieveth the fatherless and the widow; But the way of the wicked he maketh crooked.

10 Jehova egũtũũra athamakaga nginya tene, Ngai waku, wee Zayuni, athamakage njiarwa na njiarwa. Goocai Jehova.

The LORD shall reign for ever; Thy God, O Zion! to all generations! Praise ye the LORD!