Thaburi 140

1 Thaburi ya Daudi Wee Jehova, hatũra kuuma moko-inĩ ma andũ arĩa ooru; ngitĩra harĩ andũ arĩa mahũthagĩra ũhinya,

For the Leader. A Psalm of David. Deliver me, O LORD, from the evil man; preserve me from the violent man;

2 o acio mathugundaga maũndũ mooru ngoro-inĩ ciao, na magathugunda mbaara o mũthenya.

Who devise evil things in their heart; every day do they stir up wars.

3 Manooraga nĩmĩ ciao ikohĩga ta rũrĩmĩ rwa nyoka; mĩromo yao yaragia maũndũ marũrũ ta thumu wa nduĩra.

They have sharpened their tongue like a serpent; vipers' venom is under their lips. (Selah)

4 Wee Jehova, njeheria moko-inĩ ma andũ arĩa aaganu; ngitĩra kuuma harĩ andũ arĩa mahũthagĩra ũhinya, o acio mabangaga ũrĩa mangĩhĩnga magũrũ makwa.

Keep me, O LORD, from the hands of the wicked; preserve me from the violent man; who have purposed to make my steps slip.

5 Andũ arĩa etĩĩi nĩmanyambĩire mũtego; nĩmatambũrũkĩtie ndigi cia wabu wao, na makanjigĩra mĩtego njĩra-inĩ yakwa.

The proud have hid a snare for me, and cords; they have spread a net by the wayside; they have set gins for me. (Selah)

6 Wee Jehova, nguuga atĩrĩ, “Wee nĩwe Mũrungu wakwa.” Wee Jehova-rĩ, igua ngĩgũkaĩra nĩguo, ũnjiguĩre tha.

I have said unto the LORD: 'Thou art my God'; give ear, O LORD, unto the voice of my supplications.

7 Wee Mwathani Jehova, o Wee ũrĩa mũũhonokia ũrĩ hinya, Wee ũgitagĩra mũtwe wakwa mũthenya wa mbaara:

O GOD the Lord, the strength of my salvation, who hast screened my head in the day of battle,

8 Wee Jehova, ndũkahingĩrie arĩa aaganu merirĩria mao, ndũkareke mĩbango yao ĩgaacĩre, matikae gwĩtĩĩa.

Grant not, O LORD, the desires of the wicked; further not his evil device, so that they exalt themselves. (Selah)

9 Mĩtwe ya arĩa mandigicĩirie ĩrohumbĩkanio na mathĩĩna marĩa marehetwo nĩ mĩromo yao.

As for the head of those that compass me about, let the mischief of their own lips cover them.

10 Marogwĩrwo nĩ makara me gwakana; maroikio mwaki-inĩ, maikio marima marĩ mũtondo, kũrĩa matakoima o na rĩ.

Let burning coals fall upon them; let them be cast into the fire, into deep pits, that they rise not up again.

11 Ndũkanareke arĩa macambanagia magaacĩre bũrũri-inĩ; mwanangĩko ũrothingata andũ arĩa mahũthagĩra ũhinya.

A slanderer shall not be established in the earth; the violent and evil man shall be hunted with thrust upon thrust.

12 Niĩ nĩnjũũĩ atĩ Jehova nĩarũagĩra kĩhooto kĩa arĩa athĩĩni, na akagitĩra kĩhooto kĩa arĩa abatari.

I know that the LORD will maintain the cause of the poor, and the right of the needy.

13 Ti-itherũ arĩa athingu nĩmarĩgoocaga rĩĩtwa rĩaku, na arĩa arũngĩrĩru nĩmagatũũra ũthiũ-inĩ waku.

Surely the righteous shall give thanks unto Thy name; the upright shall dwell in Thy presence.