Thaburi 130

1 Thaburi ya Agendi Wee Jehova-rĩ, ndĩragũkaĩra ndĩ o kũrĩa kũriku;

A Song of degrees. Out of the depths do I call upon thee, Jehovah.

2 Wee Jehova, igua mũgambo wakwa. Matũ maku nĩmaigue ngĩgũkaĩra ũnjiguĩre tha.

Lord, hear my voice; let thine ears be attentive to the voice of my supplication.

3 Wee Jehova, korwo no ũtare maita marĩa tũkwĩhagĩria-rĩ, nũũ ũngĩgwĩtiiria, Wee Jehova?

If thou, Jah, shouldest mark iniquities, Lord, who shall stand?

4 No rĩrĩ, Wee nĩũrekanagĩra; nĩ ũndũ ũcio nĩwĩtigĩrĩtwo.

But there is forgiveness with thee, that thou mayest be feared.

5 Njetagĩrĩra Jehova, ngoro yakwa nĩĩmwetereire, niĩ ndĩĩhokaga kiugo gĩake.

I wait for Jehovah; my soul doth wait, and in his word do I hope.

6 Ngoro yakwa yetagĩrĩra Jehova, gũkĩra ũrĩa arangĩri metagĩrĩra rũciinĩ gũkĩe, ĩĩ-ni, gũkĩra ũrĩa arangĩri metagĩrĩra rũciinĩ gũkĩe.

My soul [waiteth] for the Lord more than the watchers [wait] for the morning, [more than] the watchers for the morning.

7 Wee Isiraeli, wĩhokage Jehova, nĩgũkorwo harĩ Jehova he wendo ũrĩa ũtathiraga, na ningĩ harĩ we harĩ na ũhonokio kũna.

Let Israel hope in Jehovah, because with Jehovah there is loving-kindness, and with him is plenteous redemption;

8 We mwene nĩagakũũra Isiraeli kuuma mehia-inĩ mao mothe.

And he will redeem Israel from all his iniquities.