Thaburi 13

1 Thaburi ya Daudi Nĩ nginya rĩ, Wee Jehova? Ũgũtũũra ũriganĩirwo nĩ niĩ nginya tene? Nĩ nginya rĩ ũgũtũũra ũũhithĩte ũthiũ waku?

For the Chief Musician. A Psalm by David. How long, Yahweh? Will you forget me forever? How long will you hide your face from me?

2 Nĩ nginya rĩ ngũtũũra ngianaga na meciiria makwa, na o mũthenya ngoragwo na ihooru ngoro-inĩ yakwa? Nĩ nginya rĩ thũ yakwa ĩgũtũũra ĩĩhootaga?

How long shall I take counsel in my soul, having sorrow in my heart every day? How long shall my enemy triumph over me?

3 Wee Jehova, Ngai wakwa, ndora na ũnjookerie ũhoro. Tũma maitho makwa mone, nĩguo ndikae gũkoma toro wa gĩkuũ;

Behold, and answer me, Yahweh, my God. Give light to my eyes, lest I sleep in death;

4 nĩguo thũ yakwa ndĩkoige atĩrĩ, “Nĩndĩmũhootete,” nao arĩa marĩ muku na niĩ magĩkenere kũgũa gwakwa.

lest my enemy say, “I have prevailed against him;” lest my adversaries rejoice when I fall.

5 No niĩ ndĩhokete wendo waku ũrĩa ũtathiraga; ngoro yakwa ĩkenagĩra ũhonokio waku.

But I trust in your loving kindness. My heart rejoices in your salvation.

6 Nĩngũinĩra Jehova, nĩgũkorwo nĩanjĩkĩte wega mũno.

I will sing to Yahweh, because he has been good to me.