Thaburi 13

1 Thaburi ya Daudi Nĩ nginya rĩ, Wee Jehova? Ũgũtũũra ũriganĩirwo nĩ niĩ nginya tene? Nĩ nginya rĩ ũgũtũũra ũũhithĩte ũthiũ waku?

TO THE OVERSEER. A PSALM OF DAVID. Until when, O YHWH, Do You forget me forever? Until when do You hide Your face from me?

2 Nĩ nginya rĩ ngũtũũra ngianaga na meciiria makwa, na o mũthenya ngoragwo na ihooru ngoro-inĩ yakwa? Nĩ nginya rĩ thũ yakwa ĩgũtũũra ĩĩhootaga?

Until when do I set counsels in my soul, [With] sorrow in my heart daily? Until when is my enemy exalted over me?

3 Wee Jehova, Ngai wakwa, ndora na ũnjookerie ũhoro. Tũma maitho makwa mone, nĩguo ndikae gũkoma toro wa gĩkuũ;

Look attentively; Answer me, O YHWH, my God, Enlighten my eyes, lest I sleep in death,

4 nĩguo thũ yakwa ndĩkoige atĩrĩ, “Nĩndĩmũhootete,” nao arĩa marĩ muku na niĩ magĩkenere kũgũa gwakwa.

Lest my enemy say, “I overcame him,” My adversaries rejoice when I am moved.

5 No niĩ ndĩhokete wendo waku ũrĩa ũtathiraga; ngoro yakwa ĩkenagĩra ũhonokio waku.

And I have trusted in Your kindness, My heart rejoices in Your salvation.

6 Nĩngũinĩra Jehova, nĩgũkorwo nĩanjĩkĩte wega mũno.

I sing to YHWH, For He has conferred benefits on me!