Thaburi 129

1 Thaburi ya Agendi Maanahinyĩrĩria mũno kuuma ũnini-inĩ wakwa, Isiraeli nĩmakiuge ũguo,

“A song of the degrees.” Many a time have they assailed me from my youth, so should Israel say;

2 maanahinyĩrĩria mũno kuuma ũnini-inĩ wakwa, no rĩrĩ, matirĩ maahota kũndooria.

Many a time have they assailed me from my youth: yet have they not prevailed against me.

3 Andũ arĩa marĩmaga na mũraũ marĩmĩte ngʼongʼo wakwa, magatema mĩtaro mĩraihu.

Upon my back have ploughmen ploughed; they have drawn long their furrows:

4 No rĩrĩ, Jehova nĩ mũthingu; nĩanjohorithĩtie harĩ mĩhĩndo ya andũ arĩa aaganu.

[Yet] the Lord is righteous; he hath cut asunder the cords of the wicked.

5 Andũ arĩa othe mathũire Zayuni marocookio na thuutha maconokete.

May all be put to shame and turned backward that hate Zion;

6 Marohaana ta nyeki ĩrĩ nyũmba igũrũ, ĩrĩa ĩhoohaga ĩtanamera;

May they become like the grass of the roofs, which withereth before it is pulled up;

7 mũmĩtui ndangĩmĩiyũria hĩ-inĩ ciake, o na kana ũrĩa ũmĩũnganagia amĩiyũrie moko-inĩ make.

Wherewith the mower filleth not his hand; nor his arm he that bindeth sheaves.

8 Andũ arĩa mahĩtũkagĩra kuo maroaga kuuga atĩrĩ, “Kĩrathimo kĩa Jehova kĩrogĩa igũrũ rĩanyu; nĩtwamũrathima thĩinĩ wa rĩĩtwa rĩa Jehova.”

Nor do they who pass by say, The blessing of the Lord be with you: we bless you in the name of the Lord.