Thaburi 128

1 Thaburi ya Agendi Kũrathimwo nĩ mũndũ o wothe wĩtigĩrĩte Jehova, o ũcio ũgeragĩra njĩra ciake.

A song of ascents. Blessed is everyone who honors Yahweh, who walks in his ways.

2 Nĩũkarĩĩaga maciaro ma wĩra waku; irathimo na kũgaacĩra nĩigatuĩka ciaku.

What your hands provide, you will enjoy; you will be blessed and prosper.

3 Mũtumia waku egũtuĩka ta mũthabibũ ũrĩa ũciaraga mũno arĩ kũu nyũmba-inĩ yaku thĩinĩ; ciana ciaku ituĩke ta thuuna cia mũtamaiyũ ithiũrũrũkĩirie metha yaku.

Your wife will be like a fruitful vine in your house; your children will be like olive plants as they sit around your table.

4 Ũguo nĩguo mũndũ arĩrathimagwo, ũrĩa wĩtigĩrĩte Jehova.

Yes, indeed, the man will be blessed who honors Yahweh.

5 Jehova arokũrathimaga arĩ Zayuni matukũ mothe ma muoyo waku; ũroona kũgaacĩra kwa Jerusalemu,

May Yahweh bless you from Zion; may you see the prosperity of Jerusalem all the days of your life.

6 na ũtũũre muoyo, ũkoona ciana cia ciana ciaku. Thayũ ũrogĩa Isiraeli.

May you live to see your children's children. May peace be on Israel.