Thaburi 128

1 Thaburi ya Agendi Kũrathimwo nĩ mũndũ o wothe wĩtigĩrĩte Jehova, o ũcio ũgeragĩra njĩra ciake.

A song for pilgrims going up to Jerusalem. Happy are all those who worship the Lord, everyone who follows his ways!

2 Nĩũkarĩĩaga maciaro ma wĩra waku; irathimo na kũgaacĩra nĩigatuĩka ciaku.

You will eat what your own hands have produced. You will be happy and do well.

3 Mũtumia waku egũtuĩka ta mũthabibũ ũrĩa ũciaraga mũno arĩ kũu nyũmba-inĩ yaku thĩinĩ; ciana ciaku ituĩke ta thuuna cia mũtamaiyũ ithiũrũrũkĩirie metha yaku.

Your wife will be like a fruitful vine growing in your home. Your children will be like the shoots of an olive tree around your table.

4 Ũguo nĩguo mũndũ arĩrathimagwo, ũrĩa wĩtigĩrĩte Jehova.

This will certainly be the Lord's blessing on those who worship him.

5 Jehova arokũrathimaga arĩ Zayuni matukũ mothe ma muoyo waku; ũroona kũgaacĩra kwa Jerusalemu,

May the Lord go on blessing you from Zion; may you see Jerusalem prosper all the days of your life.

6 na ũtũũre muoyo, ũkoona ciana cia ciana ciaku. Thayũ ũrogĩa Isiraeli.

May you see your children's children. May Israel be at peace!