Thaburi 128

1 Thaburi ya Agendi Kũrathimwo nĩ mũndũ o wothe wĩtigĩrĩte Jehova, o ũcio ũgeragĩra njĩra ciake.

A Song of the going up. Happy is the worshipper of the Lord, who is walking in his ways.

2 Nĩũkarĩĩaga maciaro ma wĩra waku; irathimo na kũgaacĩra nĩigatuĩka ciaku.

You will have the fruit of the work of your hands: happy will you be, and all will be well for you.

3 Mũtumia waku egũtuĩka ta mũthabibũ ũrĩa ũciaraga mũno arĩ kũu nyũmba-inĩ yaku thĩinĩ; ciana ciaku ituĩke ta thuuna cia mũtamaiyũ ithiũrũrũkĩirie metha yaku.

Your wife will be like a fertile vine in the inmost parts of your house: your children will be like olive plants round your table.

4 Ũguo nĩguo mũndũ arĩrathimagwo, ũrĩa wĩtigĩrĩte Jehova.

See! this is the blessing of the worshipper of the Lord.

5 Jehova arokũrathimaga arĩ Zayuni matukũ mothe ma muoyo waku; ũroona kũgaacĩra kwa Jerusalemu,

May the Lord send you blessing out of Zion: may you see the good of Jerusalem all the days of your life.

6 na ũtũũre muoyo, ũkoona ciana cia ciana ciaku. Thayũ ũrogĩa Isiraeli.

May you see your children's children. Peace be on Israel.