Thaburi 124

1 Thaburi ya Daudi Korwo Jehova ndaakoretwo arĩ mwena witũ; Isiraeli nĩmakiuge ũguo:

Cantique des degrés. De David. Sans l’Éternel qui nous protégea, Qu’Israël le dise!

2 Korwo Jehova ndaarĩ mwena witũ rĩrĩa andũ maatũtharĩkĩire-rĩ,

Sans l’Éternel qui nous protégea, Quand les hommes s’élevèrent contre nous,

3 nĩmangĩatũmeririe tũrĩ muoyo; rĩrĩa marakara mao maatũrĩrĩmbũkĩire-rĩ,

Ils nous auraient engloutis tout vivants, Quand leur colère s’enflamma contre nous;

4 mũiyũro wa maaĩ nĩũngĩatũhubanĩirie, tũhumbwo nĩ nditi ya maaĩ macio;

Alors les eaux nous auraient submergés, Les torrents auraient passé sur notre âme;

5 maaĩ macio maathereraga na hinya mũno nĩmangĩatũthereririe.

Alors auraient passé sur notre âme Les flots impétueux.

6 Jehova arogoocwo, o we ũtaatũrekereirie tũtambuurangwo nĩ magego mao.

Béni soit l’Éternel, Qui ne nous a pas livrés en proie à leurs dents!

7 Ithuĩ tũhonokete ta nyoni ĩhonokete mũtego-inĩ wa mũmĩtegi; mũtego nĩunangĩtwo, na ithuĩ nĩtũhonokete.

Notre âme s’est échappée comme l’oiseau du filet des oiseleurs; Le filet s’est rompu, et nous nous sommes échappés.

8 Ũteithio witũ uumaga harĩ Jehova, o we Mũũmbi wa igũrũ na thĩ.

Notre secours est dans le nom de l’Éternel, Qui a fait les cieux et la terre.