Thaburi 124

1 Thaburi ya Daudi Korwo Jehova ndaakoretwo arĩ mwena witũ; Isiraeli nĩmakiuge ũguo:

A Song of Ascents. By David. If it had not been Yahweh who was on our side, let Israel now say,

2 Korwo Jehova ndaarĩ mwena witũ rĩrĩa andũ maatũtharĩkĩire-rĩ,

if it had not been Yahweh who was on our side, when men rose up against us,

3 nĩmangĩatũmeririe tũrĩ muoyo; rĩrĩa marakara mao maatũrĩrĩmbũkĩire-rĩ,

then they would have swallowed us up alive, when their wrath was kindled against us,

4 mũiyũro wa maaĩ nĩũngĩatũhubanĩirie, tũhumbwo nĩ nditi ya maaĩ macio;

then the waters would have overwhelmed us, the stream would have gone over our soul.

5 maaĩ macio maathereraga na hinya mũno nĩmangĩatũthereririe.

Then the proud waters would have gone over our soul.

6 Jehova arogoocwo, o we ũtaatũrekereirie tũtambuurangwo nĩ magego mao.

Blessed be Yahweh, who has not given us as a prey to their teeth.

7 Ithuĩ tũhonokete ta nyoni ĩhonokete mũtego-inĩ wa mũmĩtegi; mũtego nĩunangĩtwo, na ithuĩ nĩtũhonokete.

Our soul has escaped like a bird out of the fowler’s snare. The snare is broken, and we have escaped.

8 Ũteithio witũ uumaga harĩ Jehova, o we Mũũmbi wa igũrũ na thĩ.

Our help is in Yahweh’s name, who made heaven and earth.