Thaburi 124

1 Thaburi ya Daudi Korwo Jehova ndaakoretwo arĩ mwena witũ; Isiraeli nĩmakiuge ũguo:

“A song of the degrees by David.” If it had not been the Lord who was for us, so should Israel say;

2 Korwo Jehova ndaarĩ mwena witũ rĩrĩa andũ maatũtharĩkĩire-rĩ,

If it had not been the Lord who was for us, when men rose up against us:

3 nĩmangĩatũmeririe tũrĩ muoyo; rĩrĩa marakara mao maatũrĩrĩmbũkĩire-rĩ,

Then would they have swallowed us up alive, when their wrath was kindled against us;

4 mũiyũro wa maaĩ nĩũngĩatũhubanĩirie, tũhumbwo nĩ nditi ya maaĩ macio;

Then would the waters have overwhelmed us, the stream would have passed over our soul;

5 maaĩ macio maathereraga na hinya mũno nĩmangĩatũthereririe.

Then would have passed over our soul the presumptuous waters.

6 Jehova arogoocwo, o we ũtaatũrekereirie tũtambuurangwo nĩ magego mao.

Blessed be the Lord, who hath not given us up as a prey to their teeth.

7 Ithuĩ tũhonokete ta nyoni ĩhonokete mũtego-inĩ wa mũmĩtegi; mũtego nĩunangĩtwo, na ithuĩ nĩtũhonokete.

Our soul is escaped like a bird out of the snare of the fowlers: the snare is broken, and we are escaped.

8 Ũteithio witũ uumaga harĩ Jehova, o we Mũũmbi wa igũrũ na thĩ.

Our help is in the name of the Lord, the maker of heaven and earth.