Thaburi 124

1 Thaburi ya Daudi Korwo Jehova ndaakoretwo arĩ mwena witũ; Isiraeli nĩmakiuge ũguo:

A song for pilgrims going up to Jerusalem. A psalm of David. If the Lord hadn't been for us, what would have happened? Let everyone in Israel say:

2 Korwo Jehova ndaarĩ mwena witũ rĩrĩa andũ maatũtharĩkĩire-rĩ,

If the Lord hadn't been for us, what would have happened when people came and attacked us?

3 nĩmangĩatũmeririe tũrĩ muoyo; rĩrĩa marakara mao maatũrĩrĩmbũkĩire-rĩ,

They would have swallowed us alive when their anger raged against us.

4 mũiyũro wa maaĩ nĩũngĩatũhubanĩirie, tũhumbwo nĩ nditi ya maaĩ macio;

Like a flood they would have swept over us; like a rushing torrent they would have submerged us.

5 maaĩ macio maathereraga na hinya mũno nĩmangĩatũthereririe.

They would have rushed over us like raging waters, drowning us.

6 Jehova arogoocwo, o we ũtaatũrekereirie tũtambuurangwo nĩ magego mao.

Praise the Lord, who didn't hand us over to them as prey to be ripped apart by their teeth.

7 Ithuĩ tũhonokete ta nyoni ĩhonokete mũtego-inĩ wa mũmĩtegi; mũtego nĩunangĩtwo, na ithuĩ nĩtũhonokete.

We escaped from them like a bird flying out of a hunter's trap. The trap was broken and we flew away!

8 Ũteithio witũ uumaga harĩ Jehova, o we Mũũmbi wa igũrũ na thĩ.

Our help comes from the Lord, who made heaven and earth.