Thaburi 124

1 Thaburi ya Daudi Korwo Jehova ndaakoretwo arĩ mwena witũ; Isiraeli nĩmakiuge ũguo:

A Song of degrees. Of David. If it had not been Jehovah who was for us — oh let Israel say —

2 Korwo Jehova ndaarĩ mwena witũ rĩrĩa andũ maatũtharĩkĩire-rĩ,

If it had not been Jehovah who was for us, when men rose up against us,

3 nĩmangĩatũmeririe tũrĩ muoyo; rĩrĩa marakara mao maatũrĩrĩmbũkĩire-rĩ,

Then they had swallowed us up alive, when their anger was kindled against us;

4 mũiyũro wa maaĩ nĩũngĩatũhubanĩirie, tũhumbwo nĩ nditi ya maaĩ macio;

Then the waters had overwhelmed us, a torrent had gone over our soul;

5 maaĩ macio maathereraga na hinya mũno nĩmangĩatũthereririe.

Then the proud waters had gone over our soul.

6 Jehova arogoocwo, o we ũtaatũrekereirie tũtambuurangwo nĩ magego mao.

Blessed be Jehovah, who gave us not up a prey to their teeth!

7 Ithuĩ tũhonokete ta nyoni ĩhonokete mũtego-inĩ wa mũmĩtegi; mũtego nĩunangĩtwo, na ithuĩ nĩtũhonokete.

Our soul is escaped as a bird out of the snare of the fowlers: the snare is broken, and we have escaped.

8 Ũteithio witũ uumaga harĩ Jehova, o we Mũũmbi wa igũrũ na thĩ.

Our help is in the name of Jehovah, the maker of heavens and earth.