Thaburi 124

1 Thaburi ya Daudi Korwo Jehova ndaakoretwo arĩ mwena witũ; Isiraeli nĩmakiuge ũguo:

A Song of Degrees. If it had not been that the Lord was among us, let Israel now say;

2 Korwo Jehova ndaarĩ mwena witũ rĩrĩa andũ maatũtharĩkĩire-rĩ,

if it had not been that the Lord was among us, when men rose up against us;

3 nĩmangĩatũmeririe tũrĩ muoyo; rĩrĩa marakara mao maatũrĩrĩmbũkĩire-rĩ,

verily they would have swallowed us up alive, when their wrath was kindled against us:

4 mũiyũro wa maaĩ nĩũngĩatũhubanĩirie, tũhumbwo nĩ nditi ya maaĩ macio;

verily the water would have drowned us, our soul would have gone under the torrent.

5 maaĩ macio maathereraga na hinya mũno nĩmangĩatũthereririe.

Yea, our soul would have gone under the overwhelming water.

6 Jehova arogoocwo, o we ũtaatũrekereirie tũtambuurangwo nĩ magego mao.

Blessed be the Lord, who has not given us for a prey to their teeth.

7 Ithuĩ tũhonokete ta nyoni ĩhonokete mũtego-inĩ wa mũmĩtegi; mũtego nĩunangĩtwo, na ithuĩ nĩtũhonokete.

Our soul has been delivered as a sparrow from the snare of the fowlers: the snare is broken, and we are delivered.

8 Ũteithio witũ uumaga harĩ Jehova, o we Mũũmbi wa igũrũ na thĩ.

Our help is in the name of the Lord, who made heaven and earth.