Thaburi 122

1 Thaburi ya Daudi Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Jehova.”

A Song of Ascents. By David. I was glad when they said to me, “Let’s go to the LORD’s house!”

2 Magũrũ maitũ marũgamĩte ihingo-inĩ ciaku, wee Jerusalemu.

Our feet are standing within your gates, Jerusalem!

3 Jerusalemu rĩakĩtwo ta itũũra inene rĩnyitithanĩtio wega.

Jerusalem is built as a city that is compact together,

4 Kũu nĩkuo mĩhĩrĩga yambataga, o yo mĩhĩrĩga ya Jehova, ĩgathiĩ kũgooca rĩĩtwa rĩa Jehova kũringana na mawatho marĩa aheete Isiraeli.

where the tribes go up, even the LORD’s tribes, according to an ordinance for Israel, to give thanks to the LORD’s name.

5 Kũu nĩkuo kũigĩtwo itĩ cia ũnene cia atuanĩri ciira, o cio itĩ cia ũnene cia nyũmba ya Daudi.

For there are set thrones for judgement, the thrones of David’s house.

6 Hoerai Jerusalemu thayũ: “Arĩa makwendete marotũũra na thayũ.

Pray for the peace of Jerusalem. Those who love you will prosper.

7 Kũrĩa thingo ciaku ciirigĩire kũrogĩa na thayũ, naguo ũgitĩri ũgĩe ciikaro-inĩ ciaku cia ũthamaki.”

Peace be within your walls, and prosperity within your palaces.

8 Nĩ ũndũ wa ariũ a baba na arata, nguuga atĩrĩ, “Thayũ ũrogĩa thĩinĩ waku.”

For my brothers’ and companions’ sakes, I will now say, “Peace be within you.”

9 Nĩ ũndũ wa nyũmba ya Jehova Ngai witũ, caragia ũgaacĩru waku.

For the sake of the house of the LORD our God, I will seek your good.