Thaburi 122

1 Thaburi ya Daudi Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Jehova.”

A song of ascents, of David. I was glad when they said to me, “Let us go to the house of Yahweh.”

2 Magũrũ maitũ marũgamĩte ihingo-inĩ ciaku, wee Jerusalemu.

Jerusalem, our feet are standing within your gates!

3 Jerusalemu rĩakĩtwo ta itũũra inene rĩnyitithanĩtio wega.

Jerusalem, built as a city carefully planned!

4 Kũu nĩkuo mĩhĩrĩga yambataga, o yo mĩhĩrĩga ya Jehova, ĩgathiĩ kũgooca rĩĩtwa rĩa Jehova kũringana na mawatho marĩa aheete Isiraeli.

The tribes go up to Jerusalem—the tribes of Yahweh— as a testimony for Israel, to give thanks to the name of Yahweh.

5 Kũu nĩkuo kũigĩtwo itĩ cia ũnene cia atuanĩri ciira, o cio itĩ cia ũnene cia nyũmba ya Daudi.

There thrones of judgment were set, thrones of the house of David.

6 Hoerai Jerusalemu thayũ: “Arĩa makwendete marotũũra na thayũ.

Pray for the peace of Jerusalem! “May those who love you have peace.

7 Kũrĩa thingo ciaku ciirigĩire kũrogĩa na thayũ, naguo ũgitĩri ũgĩe ciikaro-inĩ ciaku cia ũthamaki.”

May there be peace within the walls that defend you, and may they have peace within your fortresses.”

8 Nĩ ũndũ wa ariũ a baba na arata, nguuga atĩrĩ, “Thayũ ũrogĩa thĩinĩ waku.”

For the sake of my brothers and my friends I will say, “May there be peace within you.”

9 Nĩ ũndũ wa nyũmba ya Jehova Ngai witũ, caragia ũgaacĩru waku.

For the sake of the house of Yahweh our God, I will seek good for you.