Thaburi 122

1 Thaburi ya Daudi Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Jehova.”

A Song of Ascents; of David. I was glad when they said unto me, Let us go unto the house of the LORD.

2 Magũrũ maitũ marũgamĩte ihingo-inĩ ciaku, wee Jerusalemu.

Our feet are standing within thy gates, O Jerusalem;

3 Jerusalemu rĩakĩtwo ta itũũra inene rĩnyitithanĩtio wega.

Jerusalem, that art builded as a city that is compact together:

4 Kũu nĩkuo mĩhĩrĩga yambataga, o yo mĩhĩrĩga ya Jehova, ĩgathiĩ kũgooca rĩĩtwa rĩa Jehova kũringana na mawatho marĩa aheete Isiraeli.

Whither the tribes go up, even the tribes of the LORD [for] a testimony unto Israel, to give thanks into the name of the LORD.

5 Kũu nĩkuo kũigĩtwo itĩ cia ũnene cia atuanĩri ciira, o cio itĩ cia ũnene cia nyũmba ya Daudi.

For there are set thrones for judgment, the thrones of the house of David.

6 Hoerai Jerusalemu thayũ: “Arĩa makwendete marotũũra na thayũ.

Pray for the peace of Jerusalem: they shall prosper that love thee.

7 Kũrĩa thingo ciaku ciirigĩire kũrogĩa na thayũ, naguo ũgitĩri ũgĩe ciikaro-inĩ ciaku cia ũthamaki.”

Peace be within thy walls, and prosperity within thy palaces.

8 Nĩ ũndũ wa ariũ a baba na arata, nguuga atĩrĩ, “Thayũ ũrogĩa thĩinĩ waku.”

For my brethren and companions’ sakes, I will now say, Peace be within thee.

9 Nĩ ũndũ wa nyũmba ya Jehova Ngai witũ, caragia ũgaacĩru waku.

For the sake of the house of the LORD our God I will seek thy good.