Thaburi 122

1 Thaburi ya Daudi Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Jehova.”

I was glad when they said unto me, Let us go into the house of YHWH.

2 Magũrũ maitũ marũgamĩte ihingo-inĩ ciaku, wee Jerusalemu.

Our feet shall stand within thy gates, O Jerusalem.

3 Jerusalemu rĩakĩtwo ta itũũra inene rĩnyitithanĩtio wega.

Jerusalem is builded as a city that is compact together:

4 Kũu nĩkuo mĩhĩrĩga yambataga, o yo mĩhĩrĩga ya Jehova, ĩgathiĩ kũgooca rĩĩtwa rĩa Jehova kũringana na mawatho marĩa aheete Isiraeli.

Whither the tribes go up, the tribes of YAH, unto the testimony of Israel, to give thanks unto the name of YHWH.

5 Kũu nĩkuo kũigĩtwo itĩ cia ũnene cia atuanĩri ciira, o cio itĩ cia ũnene cia nyũmba ya Daudi.

For there are set thrones of judgment, the thrones of the house of David.

6 Hoerai Jerusalemu thayũ: “Arĩa makwendete marotũũra na thayũ.

Pray for the peace of Jerusalem: they shall prosper that love thee.

7 Kũrĩa thingo ciaku ciirigĩire kũrogĩa na thayũ, naguo ũgitĩri ũgĩe ciikaro-inĩ ciaku cia ũthamaki.”

Peace be within thy walls, and prosperity within thy palaces.

8 Nĩ ũndũ wa ariũ a baba na arata, nguuga atĩrĩ, “Thayũ ũrogĩa thĩinĩ waku.”

For my brethren and companions' sakes, I will now say, Peace be within thee.

9 Nĩ ũndũ wa nyũmba ya Jehova Ngai witũ, caragia ũgaacĩru waku.

Because of the house of YHWH our Elohim I will seek thy good.