Thaburi 122

1 Thaburi ya Daudi Nĩndakenire hamwe na arĩa maanjĩĩrire atĩrĩ, “Nĩtũthiĩ nyũmba ya Jehova.”

A Song of the going up. Of David. I was glad because they said to me, We will go into the house of the Lord.

2 Magũrũ maitũ marũgamĩte ihingo-inĩ ciaku, wee Jerusalemu.

At last our feet were inside your doors, O Jerusalem.

3 Jerusalemu rĩakĩtwo ta itũũra inene rĩnyitithanĩtio wega.

O Jerusalem, you are like a town which is well joined together;

4 Kũu nĩkuo mĩhĩrĩga yambataga, o yo mĩhĩrĩga ya Jehova, ĩgathiĩ kũgooca rĩĩtwa rĩa Jehova kũringana na mawatho marĩa aheete Isiraeli.

To which the tribes went up, even the tribes of the Lord, for a witness to Israel, to give praise to the name of the Lord.

5 Kũu nĩkuo kũigĩtwo itĩ cia ũnene cia atuanĩri ciira, o cio itĩ cia ũnene cia nyũmba ya Daudi.

For there seats for the judges were placed, even the rulers' seats of the line of David.

6 Hoerai Jerusalemu thayũ: “Arĩa makwendete marotũũra na thayũ.

O make prayers for the peace of Jerusalem; may they whose love is given to you do well.

7 Kũrĩa thingo ciaku ciirigĩire kũrogĩa na thayũ, naguo ũgitĩri ũgĩe ciikaro-inĩ ciaku cia ũthamaki.”

May peace be inside your walls, and wealth in your noble houses.

8 Nĩ ũndũ wa ariũ a baba na arata, nguuga atĩrĩ, “Thayũ ũrogĩa thĩinĩ waku.”

Because of my brothers and friends, I will now say, Let peace be with you.

9 Nĩ ũndũ wa nyũmba ya Jehova Ngai witũ, caragia ũgaacĩru waku.

Because of the house of the Lord our God, I will be working for your good.