Thaburi 121

1 Thaburi ya Agendi Nĩngũtiira maitho makwa ndore irĩma-inĩ: ũteithio wakwa ũngiuma na kũ?

Canticum graduum. Levavi oculos meos in montes, unde veniet auxilium mihi.

2 Ũteithio wakwa uumaga kũrĩ Jehova, o we Mũũmbi wa igũrũ na thĩ.

Auxilium meum a Domino, qui fecit cælum et terram.

3 We ndangĩreka kũgũrũ gwaku gũtirũke: ũcio mũmenyereri waku ndarĩ hĩndĩ angĩcũnga;

Non det in commotionem pedem tuum: neque dormitet qui custodit te.

4 ti-itherũ, ũcio mũmenyereri wa Isiraeli ndarĩ hĩndĩ angĩcũnga, kana ahĩtwo nĩ toro.

Ecce non dormitabit neque dormiet, qui custodit Israel.

5 Jehova nĩwe ũkũmenyagĩrĩra: Jehova nĩwe kĩĩruru gĩaku guoko-inĩ gwaku kwa ũrĩo;

Dominus custodit te, Dominus protectio tua, super manum dexteram tuam.

6 mũthenya wee ndũngĩringĩka nĩ riũa, kana ũringĩke nĩ mweri ũtukũ.

Per diem sol non uret te: neque luna per noctem.

7 Jehova nĩarĩkũgitagĩra kuuma ũũru-inĩ wothe: nĩarĩĩmenyagĩrĩra muoyo waku;

Dominus custodit te ab omni malo: custodiat animam tuam Dominus.

8 Jehova nĩarĩkũmenyagĩrĩra ũkiumagara na ũgĩcooka, kuuma rĩu nginya tene na tene.

Dominus custodiat introitum tuum, et exitum tuum: ex hoc nunc, et usque in sæculum.