Thaburi 121

1 Thaburi ya Agendi Nĩngũtiira maitho makwa ndore irĩma-inĩ: ũteithio wakwa ũngiuma na kũ?

Cantique des degrés. J'ai levé les yeux vers les montagnes, d'où me viendra mon secours.

2 Ũteithio wakwa uumaga kũrĩ Jehova, o we Mũũmbi wa igũrũ na thĩ.

Le secours me viendra du Seigneur, qui a créé le ciel et la terre.

3 We ndangĩreka kũgũrũ gwaku gũtirũke: ũcio mũmenyereri waku ndarĩ hĩndĩ angĩcũnga;

Il ne fera point trébucher ton pied; celui qui te garde ne s'endormira pas.

4 ti-itherũ, ũcio mũmenyereri wa Isiraeli ndarĩ hĩndĩ angĩcũnga, kana ahĩtwo nĩ toro.

Il ne sommeillera pas, il ne s'endormira point celui qui garde Israël.

5 Jehova nĩwe ũkũmenyagĩrĩra: Jehova nĩwe kĩĩruru gĩaku guoko-inĩ gwaku kwa ũrĩo;

Le Seigneur te gardera, le Seigneur sera ton abri; sur toi il étendra sa maison.

6 mũthenya wee ndũngĩringĩka nĩ riũa, kana ũringĩke nĩ mweri ũtukũ.

Le soleil ne te brûlera point pendant le jour, ni la lune pendant la nuit.

7 Jehova nĩarĩkũgitagĩra kuuma ũũru-inĩ wothe: nĩarĩĩmenyagĩrĩra muoyo waku;

Le Seigneur te préservera de tout mal; le Seigneur gardera ton âme.

8 Jehova nĩarĩkũmenyagĩrĩra ũkiumagara na ũgĩcooka, kuuma rĩu nginya tene na tene.

Le Seigneur te gardera, que tu entres ou que tu sortes, dès maintenant et dans les siècles des siècles.