Thaburi 121

1 Thaburi ya Agendi Nĩngũtiira maitho makwa ndore irĩma-inĩ: ũteithio wakwa ũngiuma na kũ?

“A psalm of the steps, or the goings up.” I lift up mine eyes to the hills: Whence cometh my help?

2 Ũteithio wakwa uumaga kũrĩ Jehova, o we Mũũmbi wa igũrũ na thĩ.

My help cometh from the LORD, Who made heaven and earth.

3 We ndangĩreka kũgũrũ gwaku gũtirũke: ũcio mũmenyereri waku ndarĩ hĩndĩ angĩcũnga;

He will not suffer thy foot to stumble; Thy guardian doth not slumber.

4 ti-itherũ, ũcio mũmenyereri wa Isiraeli ndarĩ hĩndĩ angĩcũnga, kana ahĩtwo nĩ toro.

Behold, the guardian of Israel Doth neither slumber nor sleep.

5 Jehova nĩwe ũkũmenyagĩrĩra: Jehova nĩwe kĩĩruru gĩaku guoko-inĩ gwaku kwa ũrĩo;

The LORD is thy guardian; The LORD is thy shade at thy right hand.

6 mũthenya wee ndũngĩringĩka nĩ riũa, kana ũringĩke nĩ mweri ũtukũ.

The sun shall not smite thee by day, Nor the moon by night.

7 Jehova nĩarĩkũgitagĩra kuuma ũũru-inĩ wothe: nĩarĩĩmenyagĩrĩra muoyo waku;

The LORD will preserve thee from all evil; He will preserve thy life.

8 Jehova nĩarĩkũmenyagĩrĩra ũkiumagara na ũgĩcooka, kuuma rĩu nginya tene na tene.

The LORD will preserve thee, when thou goest out and when thou comest in, From this time forth for ever.