Thaburi 121

1 Thaburi ya Agendi Nĩngũtiira maitho makwa ndore irĩma-inĩ: ũteithio wakwa ũngiuma na kũ?

I have lifted up my eyes to the mountains, from whence help shall come to me.

2 Ũteithio wakwa uumaga kũrĩ Jehova, o we Mũũmbi wa igũrũ na thĩ.

My help is from the Lord, who made heaven and earth.

3 We ndangĩreka kũgũrũ gwaku gũtirũke: ũcio mũmenyereri waku ndarĩ hĩndĩ angĩcũnga;

May he not suffer thy foot to be moved: neither let him slumber that keepeth thee.

4 ti-itherũ, ũcio mũmenyereri wa Isiraeli ndarĩ hĩndĩ angĩcũnga, kana ahĩtwo nĩ toro.

Behold he shall neither slumber nor sleep, that keepeth Israel.

5 Jehova nĩwe ũkũmenyagĩrĩra: Jehova nĩwe kĩĩruru gĩaku guoko-inĩ gwaku kwa ũrĩo;

The Lord is thy keeper, the Lord is thy protection upon thy right hand.

6 mũthenya wee ndũngĩringĩka nĩ riũa, kana ũringĩke nĩ mweri ũtukũ.

The sun shall not burn thee by day: nor the moon by night.

7 Jehova nĩarĩkũgitagĩra kuuma ũũru-inĩ wothe: nĩarĩĩmenyagĩrĩra muoyo waku;

The Lord keepeth thee from all evil: may the Lord keep thy soul.

8 Jehova nĩarĩkũmenyagĩrĩra ũkiumagara na ũgĩcooka, kuuma rĩu nginya tene na tene.

May the Lord keep thy going in and thy going out; from henceforth now and for ever.