Thaburi 121

1 Thaburi ya Agendi Nĩngũtiira maitho makwa ndore irĩma-inĩ: ũteithio wakwa ũngiuma na kũ?

A Song of degrees. I lift up mine eyes unto the mountains: whence shall my help come?

2 Ũteithio wakwa uumaga kũrĩ Jehova, o we Mũũmbi wa igũrũ na thĩ.

My help [cometh] from Jehovah, who made the heavens and the earth.

3 We ndangĩreka kũgũrũ gwaku gũtirũke: ũcio mũmenyereri waku ndarĩ hĩndĩ angĩcũnga;

He will not suffer thy foot to be moved; he that keepeth thee will not slumber.

4 ti-itherũ, ũcio mũmenyereri wa Isiraeli ndarĩ hĩndĩ angĩcũnga, kana ahĩtwo nĩ toro.

Behold, he that keepeth Israel will neither slumber nor sleep.

5 Jehova nĩwe ũkũmenyagĩrĩra: Jehova nĩwe kĩĩruru gĩaku guoko-inĩ gwaku kwa ũrĩo;

Jehovah is thy keeper, Jehovah is thy shade upon thy right hand;

6 mũthenya wee ndũngĩringĩka nĩ riũa, kana ũringĩke nĩ mweri ũtukũ.

The sun shall not smite thee by day, nor the moon by night.

7 Jehova nĩarĩkũgitagĩra kuuma ũũru-inĩ wothe: nĩarĩĩmenyagĩrĩra muoyo waku;

Jehovah will keep thee from all evil; he will keep thy soul.

8 Jehova nĩarĩkũmenyagĩrĩra ũkiumagara na ũgĩcooka, kuuma rĩu nginya tene na tene.

Jehovah will keep thy going out and thy coming in, from henceforth and for evermore.