Thaburi 120

1 Thaburi ya Agendi Ndakaĩire Jehova ndĩ mĩnyamaro-inĩ, nake akĩnjĩtĩka.

A Jehová llamé estando en angustia; y él me respondió.

2 Wee Jehova, honokia harĩ mĩromo ĩrĩa yaragia maheeni, na harĩ nĩmĩ iria iheenanagia.

Jehová, escapa mi alma del labio mentiroso: de la lengua engañosa.

3 Agaagwĩka atĩa, na nĩ atĩa ũngĩ makĩria ya ũguo, wee rũrĩmĩ rũrũ rũheenanagia?

¿Qué te dará a ti, o qué te añadirá la lengua engañosa?

4 Agaakũherithia na mĩguĩ mĩnoore ya njamba ya ita, na makara marĩrĩmbũkĩte mwaki ma mũtĩ wa mũkoigo.

Es como saetas de valiente agudas con brasas de enebros.

5 Kaĩ ndĩ na haaro-ĩ, nĩgũtũũra gũkũ Mesheki, na ngaikara hema-inĩ cia Kedari-ĩ!

¡Ay de mí que peregrino en Mesec: habito con las tiendas de Cedar!

6 Nĩndũũrĩte hĩndĩ ndaaya gatagatĩ-inĩ ka arĩa mathũire thayũ.

Mucho se detiene mi alma con los que aborrecen la paz.

7 Niĩ ndĩ mũndũ wa thayũ; no rĩrĩa ndaaria-rĩ, o mendaga o mbaara.

Yo soy pacífico; y cuando hablo, ellos guerrean.