Thaburi 118
1 Cookeriai Jehova ngaatho nĩgũkorwo nĩ mwega; wendo wake nĩ wa tene na tene.
| הודו ליהוה כי טוב כי לעולם חסדו׃ |
2 Andũ a Isiraeli nĩmoige atĩrĩ, “Wendo wake nĩ wa tene na tene.”
| יאמר נא ישראל כי לעולם חסדו׃ |
3 Nyũmba ya Harũni nĩyuuge atĩrĩ, “Wendo wake nĩ wa tene na tene.”
| יאמרו נא בית אהרן כי לעולם חסדו׃ |
4 Andũ arĩa metigĩrĩte Jehova nĩmoige atĩrĩ, “Wendo wake nĩ wa tene na tene.”
| יאמרו נא יראי יהוה כי לעולם חסדו׃ |
5 Ndakaĩire Jehova ndĩ mĩnyamaro-inĩ, nake akĩnjĩtĩka na akĩndeithũra.
| מן המצר קראתי יה ענני במרחב יה׃ |
6 Jehova arĩ hamwe na niĩ; ndingĩĩtigĩra. Mũndũ-rĩ, nĩ atĩa angĩhota kũnjĩka?
| יהוה לי לא אירא מה יעשה לי אדם׃ |
7 Jehova arĩ hamwe na niĩ; nĩwe mũndeithia. Nĩngerorera thũ ciakwa ikĩhootwo.
| יהוה לי בעזרי ואני אראה בשנאי׃ |
8 Nĩ kaba kũũrĩra harĩ Jehova, gũkĩra kwĩhoka mũndũ.
| טוב לחסות ביהוה מבטח באדם׃ |
9 Nĩ kaba kũũrĩra harĩ Jehova, gũkĩra kwĩhoka anene.
| טוב לחסות ביהוה מבטח בנדיבים׃ |
10 Ndarigiicĩirio nĩ ndũrĩrĩ ciothe, no tondũ wa kwĩhoka rĩĩtwa rĩa Jehova, ngĩciananga.
| כל גוים סבבוני בשם יהוה כי אמילם׃ |
11 Ciandigiicĩirie mĩena yothe, no tondũ wa kwĩhoka rĩĩtwa rĩa Jehova, ngĩciananga.
| סבוני גם סבבוני בשם יהוה כי אמילם׃ |
12 Ciathiũrũrũkĩirie na mĩena yothe ta njũkĩ, no ikĩhora narua o ta mwaki wa mĩigua; tondũ wa kwĩhoka rĩĩtwa rĩa Jehova ngĩciananga.
| סבוני כדבורים דעכו כאש קוצים בשם יהוה כי אמילם׃ |
13 Ndahatĩkĩtwo mũno nĩ thũ hakuhĩ ngwe, no Jehova akĩndeithia.
| דחה דחיתני לנפל ויהוה עזרני׃ |
14 Jehova nĩwe hinya wakwa na nĩwe ũtũmaga nyine; nake nĩatuĩkĩte ũhonokio wakwa.
| עזי וזמרת יה ויהי לי לישועה׃ |
15 Mbugĩrĩrio ya gĩkeno na ya ũhootani ĩiyũrĩte hema-inĩ cia andũ arĩa athingu, atĩ: “Guoko kwa ũrĩo kwa Jehova nĩ gwĩkĩte maũndũ manene!
| קול רנה וישועה באהלי צדיקים ימין יהוה עשה חיל׃ |
16 Guoko kwa ũrĩo kwa Jehova nĩ kwambararie; guoko kwa ũrĩo kwa Jehova nĩ gwĩkĩte maũndũ manene!”
| ימין יהוה רוממה ימין יהוה עשה חיל׃ |
17 Niĩ gũkua ndigũkua, no nĩngũtũũra muoyo, ngʼanage ũrĩa Jehova ekĩte.
| לא אמות כי אחיה ואספר מעשי יה׃ |
18 Jehova nĩaherithĩtie mũno, no ndandekereirie ngue.
| יסר יסרני יה ולמות לא נתנני׃ |
19 Hingũrĩrai ihingo cia ũthingu; nĩngũtoonya njookerie Jehova ngaatho.
| פתחו לי שערי צדק אבא בם אודה יה׃ |
20 Gĩkĩ nĩkĩo kĩhingo kĩa Jehova kĩrĩa andũ arĩa athingu mangĩtoonyera.
| זה השער ליהוה צדיקים יבאו בו׃ |
21 Nĩ ngaatho ngũgũcookeria, nĩgũkorwo nĩwanjĩtĩkire; nĩũtuĩkĩte ũhonokio wakwa.
| אודך כי עניתני ותהי לי לישועה׃ |
22 Ihiga rĩrĩa aaki maaregire nĩrĩo rĩtuĩkĩte ihiga inene rĩa koine;
| אבן מאסו הבונים היתה לראש פנה׃ |
23 Jehova nĩwe wĩkĩte ũndũ ũcio, naguo nĩ wa magegania tũkĩwona.
| מאת יהוה היתה זאת היא נפלאת בעינינו׃ |
24 Mũthenya ũyũ nĩ Jehova ũtũmĩte ũgĩe; nĩtũcanjamũkei, tũkĩũkenere.
| זה היום עשה יהוה נגילה ונשמחה בו׃ |
25 Wee Jehova, tũhonokie; Wee Jehova, tũma tũgaacĩre.
| אנא יהוה הושיעה נא אנא יהוה הצליחה נא׃ |
26 Kũrathimwo-rĩ, nĩ mũndũ ũrĩa ũgũũka na rĩĩtwa rĩa Jehova. Ithuĩ nĩtwamũrathima tũrĩ thĩinĩ wa nyũmba ya Jehova.
| ברוך הבא בשם יהוה ברכנוכם מבית יהוה׃ |
27 Jehova nĩwe Mũrungu, na nĩatũmĩte ũtheri wake ũtwarĩre. Ambĩrĩriai gũkũngũiya, mũrĩ na mathĩgĩ moko, mũthiĩ nginya hĩa-inĩ cia kĩgongona.
| אל יהוה ויאר לנו אסרו חג בעבתים עד קרנות המזבח׃ |
28 Wee nĩwe Mũrungu wakwa, nĩngũgũcookeria ngaatho; Wee nĩwe Ngai wakwa, nĩngũgũtũũgĩria.
| אלי אתה ואודך אלהי ארוממך׃ |
29 Cookeriai Jehova ngaatho, nĩgũkorwo we nĩ mwega; wendo wake nĩ wa tene na tene.
| הודו ליהוה כי טוב כי לעולם חסדו׃ |
