Thaburi 114

1 Rĩrĩa Isiraeli moimire bũrũri wa Misiri, nyũmba ya Jakubu ĩkiuma kũrĩ andũ a rũthiomi rũngĩ-rĩ,

Quand Israël sortit d’Égypte, Quand la maison de Jacob s’éloigna d’un peuple barbare,

2 Juda gwatuĩkire handũ ha Ngai haamũre, na Isiraeli gũgĩtuĩka nĩkuo arĩathanaga.

Juda devint son sanctuaire, Israël fut son domaine.

3 Iria rĩonire ũguo rĩkĩũra, naruo Rũũĩ rwa Jorodani rũgĩcooka na thuutha;

La mer le vit et s’enfuit, Le Jourdain retourna en arrière;

4 Irĩma igĩtũhatũũha ta ndũrũme, natuo tũrĩma tũgĩtũhatũũha ta tũgondu.

Les montagnes sautèrent comme des béliers, Les collines comme des agneaux.

5 Kaĩ wonire atĩa, wee iria, nĩguo ũre, nawe Jorodani, tondũ wacookire na thuutha?

Qu’as-tu, mer, pour t’enfuir, Jourdain, pour retourner en arrière?

6 Inyuĩ irĩma, muonete kĩ, nĩguo mũtũhatũũhe ta ndũrũme, na inyuĩ tũrĩma, nĩguo mũtũhatũũhe ta tũgondu?

Qu’avez-vous, montagnes, pour sauter comme des béliers, Et vous, collines, comme des agneaux?

7 Wee thĩ, ta kĩinaine ũrĩ mbere ya Mwathani, ũrĩ hau mbere ya Ngai ũcio wa Jakubu,

Tremble devant le Seigneur, ô terre! Devant le Dieu de Jacob,

8 o we ũcio wagarũrire rwaro rwa ihiga rũgĩtuĩka karia ka maaĩ, narĩo ihiga rĩũmũ rĩgĩtuĩka ithima cia maaĩ.

Qui change le rocher en étang, Le roc en source d’eaux.