Thaburi 113

1 Goocai Jehova. Mũgoocei, inyuĩ ndungata cia Jehova, mũgooce rĩĩtwa rĩa Jehova.

Praise ye Yah! Praise, O ye servants of Yahweh, Praise the Name of Yahweh;

2 Rĩĩtwa rĩa Jehova rĩrogoocwo, kuuma rĩu nginya tene na tene.

Be the Name of Yahweh blessed, henceforth, even to times age-abiding.

3 Kuuma o irathĩro rĩa riũa nginya ithũĩro rĩarĩo, rĩĩtwa rĩa Jehova nĩrĩgoocagwo.

From the rising of the sun unto the going in thereof, Worthy to be praised, is the Name of Yahweh:

4 Jehova nĩatũũgĩrĩtio igũrũ rĩa ndũrĩrĩ ciothe, riiri wake ũrĩ igũrũ rĩa igũrũ.

High above all nations, is Yahweh, Above the heavens, his glory.

5 Nũũ ũhaana ta Jehova Ngai witũ, o Ũcio ũikaragĩra gĩtĩ kĩa ũnene kũu igũrũ,

Who is like Yahweh our God? that goeth on high to dwell,

6 o ũcio ũinamagĩrĩra arorererie maũndũ ma igũrũ o na ma thĩ?

That cometh down low to look, through the heavens and through the earth;

7 Oyaga athĩĩni na igũrũ kuuma rũkũngũ-inĩ, na agokĩria arĩa abatari, akamaruta kĩhumbu-inĩ kĩa mũhu;

That raiseth, out of the dust, the poor, From the dunghill, uplifteth the needy;

8 amaikaragia hamwe na anene, o hamwe na anene a andũ ao.

To give a seat with nobles, with the nobles of his people!

9 Atũmaga mũtumia thaata atũũre gwake mũciĩ, agatuĩka nyina wa ciana, agakenaga. Goocai Jehova.

Causing the barren woman to dwell in a household, A mother of sons in her joy! Praise ye Yah.