Thaburi 113

1 Goocai Jehova. Mũgoocei, inyuĩ ndungata cia Jehova, mũgooce rĩĩtwa rĩa Jehova.

Praise ye the LORD! Praise, O ye servants of the LORD! Praise the name of the LORD!

2 Rĩĩtwa rĩa Jehova rĩrogoocwo, kuuma rĩu nginya tene na tene.

Blessed be the name of the LORD From this time forth, even for ever!

3 Kuuma o irathĩro rĩa riũa nginya ithũĩro rĩarĩo, rĩĩtwa rĩa Jehova nĩrĩgoocagwo.

From the rising of the sun to its going down, May the LORD'S name be praised!

4 Jehova nĩatũũgĩrĩtio igũrũ rĩa ndũrĩrĩ ciothe, riiri wake ũrĩ igũrũ rĩa igũrũ.

The LORD is high above all nations; His glory is above the heavens.

5 Nũũ ũhaana ta Jehova Ngai witũ, o Ũcio ũikaragĩra gĩtĩ kĩa ũnene kũu igũrũ,

Who is like the LORD, our God, That dwelleth on high,

6 o ũcio ũinamagĩrĩra arorererie maũndũ ma igũrũ o na ma thĩ?

That looketh down low Upon the heavens and the earth?

7 Oyaga athĩĩni na igũrũ kuuma rũkũngũ-inĩ, na agokĩria arĩa abatari, akamaruta kĩhumbu-inĩ kĩa mũhu;

He raiseth the poor from the dust, And exalteth the needy from the dunghill,

8 amaikaragia hamwe na anene, o hamwe na anene a andũ ao.

To set him among princes, Even among the princes of his people.

9 Atũmaga mũtumia thaata atũũre gwake mũciĩ, agatuĩka nyina wa ciana, agakenaga. Goocai Jehova.

He causeth the barren woman to dwell in a house, A joyful mother of children. Praise ye the LORD!