Thaburi 113

1 Goocai Jehova. Mũgoocei, inyuĩ ndungata cia Jehova, mũgooce rĩĩtwa rĩa Jehova.

Hallelujah. Praise, O ye servants of the Lord, praise ye the name of the Lord.

2 Rĩĩtwa rĩa Jehova rĩrogoocwo, kuuma rĩu nginya tene na tene.

Let the name of the Lord be blessed from this time forth and for evermore.

3 Kuuma o irathĩro rĩa riũa nginya ithũĩro rĩarĩo, rĩĩtwa rĩa Jehova nĩrĩgoocagwo.

From the rising of the sun unto his going down the name of the Lord is praised.

4 Jehova nĩatũũgĩrĩtio igũrũ rĩa ndũrĩrĩ ciothe, riiri wake ũrĩ igũrũ rĩa igũrũ.

High above all nations is the Lord, above the heavens is his glory.

5 Nũũ ũhaana ta Jehova Ngai witũ, o Ũcio ũikaragĩra gĩtĩ kĩa ũnene kũu igũrũ,

Who is like the Lord our God, who dwelleth on high?

6 o ũcio ũinamagĩrĩra arorererie maũndũ ma igũrũ o na ma thĩ?

Who condescendeth to view what is done in the heavens, and on the earth?

7 Oyaga athĩĩni na igũrũ kuuma rũkũngũ-inĩ, na agokĩria arĩa abatari, akamaruta kĩhumbu-inĩ kĩa mũhu;

He raiseth up out of the dust the poor, from the dunghill he lifteth up the needy:

8 amaikaragia hamwe na anene, o hamwe na anene a andũ ao.

That he may set him with princes, even with the princes of his people.

9 Atũmaga mũtumia thaata atũũre gwake mũciĩ, agatuĩka nyina wa ciana, agakenaga. Goocai Jehova.

He causeth the barren woman to dwell in the midst of [her] household, the joyful mother of children. Hallelujah.