Thaburi 113

1 Goocai Jehova. Mũgoocei, inyuĩ ndungata cia Jehova, mũgooce rĩĩtwa rĩa Jehova.

Praise ye the LORD. Praise, O ye servants of the LORD, praise the name of the LORD.

2 Rĩĩtwa rĩa Jehova rĩrogoocwo, kuuma rĩu nginya tene na tene.

Blessed be the name of the LORD from this time forth and for evermore.

3 Kuuma o irathĩro rĩa riũa nginya ithũĩro rĩarĩo, rĩĩtwa rĩa Jehova nĩrĩgoocagwo.

From the rising of the sun unto the going down of the same the LORD’s name [is] to be praised.

4 Jehova nĩatũũgĩrĩtio igũrũ rĩa ndũrĩrĩ ciothe, riiri wake ũrĩ igũrũ rĩa igũrũ.

The LORD [is] high above all nations, [and] his glory above the heavens.

5 Nũũ ũhaana ta Jehova Ngai witũ, o Ũcio ũikaragĩra gĩtĩ kĩa ũnene kũu igũrũ,

Who [is] like unto the LORD our God, who dwelleth on high,

6 o ũcio ũinamagĩrĩra arorererie maũndũ ma igũrũ o na ma thĩ?

Who humbleth [himself] to behold [the things that are] in heaven, and in the earth!

7 Oyaga athĩĩni na igũrũ kuuma rũkũngũ-inĩ, na agokĩria arĩa abatari, akamaruta kĩhumbu-inĩ kĩa mũhu;

He raiseth up the poor out of the dust, [and] lifteth the needy out of the dunghill;

8 amaikaragia hamwe na anene, o hamwe na anene a andũ ao.

That he may set [him] with princes, [even] with the princes of his people.

9 Atũmaga mũtumia thaata atũũre gwake mũciĩ, agatuĩka nyina wa ciana, agakenaga. Goocai Jehova.

He maketh the barren woman to keep house, [and to be] a joyful mother of children. Praise ye the LORD.