Thaburi 113

1 Goocai Jehova. Mũgoocei, inyuĩ ndungata cia Jehova, mũgooce rĩĩtwa rĩa Jehova.

Hallelujah! Give praise, O servants of the LORD; praise the name of the LORD.

2 Rĩĩtwa rĩa Jehova rĩrogoocwo, kuuma rĩu nginya tene na tene.

Blessed be the name of the LORD both now and forevermore.

3 Kuuma o irathĩro rĩa riũa nginya ithũĩro rĩarĩo, rĩĩtwa rĩa Jehova nĩrĩgoocagwo.

From where the sun rises to where it sets, the name of the LORD is praised.

4 Jehova nĩatũũgĩrĩtio igũrũ rĩa ndũrĩrĩ ciothe, riiri wake ũrĩ igũrũ rĩa igũrũ.

The LORD is exalted over all the nations, His glory above the heavens.

5 Nũũ ũhaana ta Jehova Ngai witũ, o Ũcio ũikaragĩra gĩtĩ kĩa ũnene kũu igũrũ,

Who is like the LORD our God, the One enthroned on high?

6 o ũcio ũinamagĩrĩra arorererie maũndũ ma igũrũ o na ma thĩ?

He humbles Himself to behold the heavens and the earth.

7 Oyaga athĩĩni na igũrũ kuuma rũkũngũ-inĩ, na agokĩria arĩa abatari, akamaruta kĩhumbu-inĩ kĩa mũhu;

He raises the poor from the dust and lifts the needy from the dump

8 amaikaragia hamwe na anene, o hamwe na anene a andũ ao.

to seat them with nobles, with the princes of His people.

9 Atũmaga mũtumia thaata atũũre gwake mũciĩ, agatuĩka nyina wa ciana, agakenaga. Goocai Jehova.

He settles the barren woman in her home as a joyful mother to her children. Hallelujah!