Thaburi 111

1 Goocai Jehova. Nĩngũkumia Jehova na ngoro yakwa yothe ndĩ thiritũ-inĩ ya arĩa arũngĩrĩru, o na kĩũngano-inĩ.

Hallelujah. I will give thanks unto the LORD with my whole heart, in the council of the upright, and in the congregation.

2 Ciĩko cia Jehova nĩ cia magegania; nĩicũũranagio nĩ arĩa othe makenagio nĩcio.

The works of the LORD are great, sought out of all them that have delight therein.

3 Ciĩko ciake ciyũrĩte riiri na ũkaru, naguo ũthingu wake ũtũũraga nginya tene.

His work is glory and majesty; and His righteousness endureth for ever.

4 Nĩatũmĩte magegania make maririkanwo; Jehova nĩ mũtugi na nĩ mũigua tha.

He hath made a memorial for His wonderful works; the LORD is gracious and full of compassion.

5 Arĩa mamwĩtigagĩra nĩamaheaga irio; egũtũũra aririkanaga kĩrĩkanĩro gĩake nginya tene.

He hath given food unto them that fear Him; He will ever be mindful of His covenant.

6 Nĩonetie andũ ake mawĩra make ma hinya, nĩ ũndũ wa kũmahe mabũrũri ma ndũrĩrĩ iria ingĩ.

He hath declared to His people the power of His works, in giving them the heritage of the nations.

7 Mawĩra ma moko make nĩ ma kwĩhokeka, na nĩ ma kĩhooto; mataaro make mothe nĩ ma kwĩhokwo.

The works of His hands are truth and justice; all His precepts are sure.

8 Nĩ marũmu nginya tene na tene, maheanĩtwo na wĩhokeku na ũrũngĩrĩru.

They are established for ever and ever, they are done in truth and uprightness.

9 Nĩakinyĩirie andũ ake ũkũũri; aamũrire kĩrĩkanĩro gĩake kĩrĩ gĩa gũtũũra nginya tene: rĩĩtwa rĩake nĩ itheru na nĩ rĩa gwĩtigĩrwo.

He hath sent redemption unto His people; He hath commanded His covenant for ever; Holy and awful is His name.

10 Kĩambĩrĩria kĩa ũũgĩ nĩ gwĩtigĩra Jehova; arĩa othe marũmagĩrĩra mataaro make nĩmagĩĩaga na ũmenyo mwega. Kũgoocwo nĩ gwake tene na tene.

The fear of the LORD is the beginning of wisdom; a good understanding have all they that do thereafter; His praise endureth for ever.