Thaburi 111

1 Goocai Jehova. Nĩngũkumia Jehova na ngoro yakwa yothe ndĩ thiritũ-inĩ ya arĩa arũngĩrĩru, o na kĩũngano-inĩ.

Hallelujah! I will give thanks to the LORD with all my heart in the council of the upright and in the assembly.

2 Ciĩko cia Jehova nĩ cia magegania; nĩicũũranagio nĩ arĩa othe makenagio nĩcio.

Great are the works of the LORD; they are pondered by all who delight in them.

3 Ciĩko ciake ciyũrĩte riiri na ũkaru, naguo ũthingu wake ũtũũraga nginya tene.

Splendid and majestic is His work; His righteousness endures forever.

4 Nĩatũmĩte magegania make maririkanwo; Jehova nĩ mũtugi na nĩ mũigua tha.

He has caused His wonders to be remembered; the LORD is gracious and compassionate.

5 Arĩa mamwĩtigagĩra nĩamaheaga irio; egũtũũra aririkanaga kĩrĩkanĩro gĩake nginya tene.

He provides food for those who fear Him; He remembers His covenant forever.

6 Nĩonetie andũ ake mawĩra make ma hinya, nĩ ũndũ wa kũmahe mabũrũri ma ndũrĩrĩ iria ingĩ.

He has shown His people the power of His works by giving them the inheritance of the nations.

7 Mawĩra ma moko make nĩ ma kwĩhokeka, na nĩ ma kĩhooto; mataaro make mothe nĩ ma kwĩhokwo.

The works of His hands are truth and justice; all His precepts are trustworthy.

8 Nĩ marũmu nginya tene na tene, maheanĩtwo na wĩhokeku na ũrũngĩrĩru.

They are upheld forever and ever, enacted in truth and uprightness.

9 Nĩakinyĩirie andũ ake ũkũũri; aamũrire kĩrĩkanĩro gĩake kĩrĩ gĩa gũtũũra nginya tene: rĩĩtwa rĩake nĩ itheru na nĩ rĩa gwĩtigĩrwo.

He has sent redemption to His people; He has ordained His covenant forever; holy and awesome is His name.

10 Kĩambĩrĩria kĩa ũũgĩ nĩ gwĩtigĩra Jehova; arĩa othe marũmagĩrĩra mataaro make nĩmagĩĩaga na ũmenyo mwega. Kũgoocwo nĩ gwake tene na tene.

The fear of the LORD is the beginning of wisdom; all who follow His precepts gain rich understanding. His praise endures forever!