Thaburi 111

1 Goocai Jehova. Nĩngũkumia Jehova na ngoro yakwa yothe ndĩ thiritũ-inĩ ya arĩa arũngĩrĩru, o na kĩũngano-inĩ.

Halleluja! jeg takker Herren af hele mit hjerte i oprigtiges kreds og i menighed!

2 Ciĩko cia Jehova nĩ cia magegania; nĩicũũranagio nĩ arĩa othe makenagio nĩcio.

Store er Herrens gerninger, gennemtænkte til bunds.

3 Ciĩko ciake ciyũrĩte riiri na ũkaru, naguo ũthingu wake ũtũũraga nginya tene.

Hans værk er højhed og herlighed, hans retfærd bliver til evig tid.

4 Nĩatũmĩte magegania make maririkanwo; Jehova nĩ mũtugi na nĩ mũigua tha.

Han har sørget for, at hans undere mindes, nådig og barmhjertig er Herren.

5 Arĩa mamwĩtigagĩra nĩamaheaga irio; egũtũũra aririkanaga kĩrĩkanĩro gĩake nginya tene.

Dem, der frygter ham, giver han føde, han kommer for evigt sin pagt i hu.

6 Nĩonetie andũ ake mawĩra make ma hinya, nĩ ũndũ wa kũmahe mabũrũri ma ndũrĩrĩ iria ingĩ.

Han viste sit folk sine vældige gerninger, da han gav dem folkenes eje.

7 Mawĩra ma moko make nĩ ma kwĩhokeka, na nĩ ma kĩhooto; mataaro make mothe nĩ ma kwĩhokwo.

Hans hænders værk er sandhed og ret, man kan lide på alle hans bud;

8 Nĩ marũmu nginya tene na tene, maheanĩtwo na wĩhokeku na ũrũngĩrĩru.

de står i al evighed fast, udført i sandhed og retsind.

9 Nĩakinyĩirie andũ ake ũkũũri; aamũrire kĩrĩkanĩro gĩake kĩrĩ gĩa gũtũũra nginya tene: rĩĩtwa rĩake nĩ itheru na nĩ rĩa gwĩtigĩrwo.

Han sendte sit folk udløsning, stifted sin pagt for evigt. Helligt og frygteligt er hans navn.

10 Kĩambĩrĩria kĩa ũũgĩ nĩ gwĩtigĩra Jehova; arĩa othe marũmagĩrĩra mataaro make nĩmagĩĩaga na ũmenyo mwega. Kũgoocwo nĩ gwake tene na tene.

Herrens frygt er visdoms begyndelse; forstandig er hver, som øver den. Evigt varer hans pris!