Thaburi 110

1 Thaburi ya Daudi Jehova nĩerire Mwathani wakwa atĩrĩ: “Ikara guoko-inĩ gwakwa kwa ũrĩo, nginya rĩrĩa ngaatũma thũ ciaku ituĩke gaturwa ka makinya maku.”

A Psalm. Of David. The Lord said to my lord, Be seated at my right hand, till I put all those who are against you under your feet.

2 Mũthĩgi wa hinya waku-rĩ, Jehova nĩakaũtambũrũkia kuuma Zayuni; nĩũgaathana ũrĩ gatagatĩ ga thũ ciaku.

The Lord will send out the rod of your strength from Zion; be king over your haters.

3 Ikundi ciaku cia ita nĩikerutĩra mũthenya waku wa mbaara. Igooka irĩ na ũgemu wa ũtheru, aanake aku mahaana ta ime rĩoima nda ya rũciinĩ ruoro rũgĩtema.

Your people give themselves gladly in the day of your power; like the dew of the morning on the holy mountains is the army of your young men.

4 Jehova nĩehĩtĩte na ndangĩĩricũkwo, akoiga atĩrĩ: “Wee ũrĩ mũthĩnjĩri-Ngai nginya tene, o ta ũrĩa Melikisedeki aatariĩ.”

The Lord has made an oath, and will not take it back. You are a priest for ever, after the order of Melchizedek.

5 Mwathani arĩ guoko-inĩ gwaku kwa ũrĩo; nĩakahehenja athamaki mũthenya wa mangʼũrĩ make.

In the day of his wrath kings will be wounded by the Lord at your right hand.

6 Nĩagatuĩra ndũrĩrĩ ciira, aige ciimba irũndo, na ahehenje aathani a thĩ yothe.

He will be judge among the nations, the valleys will be full of dead bodies; the head over a great country will be wounded by him.

7 Nĩakanyua maaĩ ma karũũĩ karĩ mũkĩra-inĩ; nĩ ũndũ ũcio nĩakambararia mũtwe wake.

He will take of the stream by the way; so his head will be lifted up.