Thaburi 105
1 Cookeria Jehova ngaatho, kaĩrai rĩĩtwa rĩake; menyithiai ndũrĩrĩ maũndũ marĩa ekĩte.
| הודו ליהוה קראו בשמו הודיעו בעמים עלילותיו |
2 Mũinĩrei, mũmũinĩre mũkĩmũgoocaga; heanai ũhoro wa ciĩko ciake ciothe cia magegania.
| שירו-לו זמרו-לו שיחו בכל-נפלאותיו |
3 Mwĩrahei nĩ ũndũ wa rĩĩtwa rĩake itheru; ngoro cia arĩa marongoragia Jehova nĩikene.
| התהללו בשם קדשו ישמח לב מבקשי יהוה |
4 Cũthĩrĩriai Jehova na hinya wake; mathaai ũthiũ wake hĩndĩ ciothe.
| דרשו יהוה ועזו בקשו פניו תמיד |
5 Ririkanai magegania marĩa ekĩte, na ciama ciake, na matuĩro ma ciira marĩa atuĩte,
| זכרו--נפלאותיו אשר-עשה מפתיו ומשפטי-פיו |
6 inyuĩ njiaro cia Iburahĩmu ndungata yake, o inyuĩ ciana cia Jakubu, inyuĩ ake athuure.
| זרע אברהם עבדו בני יעקב בחיריו |
7 Jehova nĩwe Ngai witũ; matuĩro make ma ciira marĩ thĩ yothe.
| הוא יהוה אלהינו בכל-הארץ משפטיו |
8 Nĩaririkanaga kĩrĩkanĩro gĩake nginya tene, nĩkĩo kiugo kĩrĩa aathanire, nĩ ũndũ wa njiarwa ngiri,
| זכר לעולם בריתו דבר צוה לאלף דור |
9 kĩrĩkanĩro kĩrĩa aarĩkanĩire na Iburahĩmu, na noguo mwĩhĩtwa ũrĩa eehĩtire harĩ Isaaka.
| אשר כרת את-אברהם ושבועתו לישחק |
10 Nĩagĩĩkĩrire hinya harĩ Jakubu kĩrĩ kĩrĩra gĩake kĩa watho wa kũrũmagĩrĩrwo, agĩgĩĩkĩra hinya harĩ Isiraeli kĩrĩ kĩrĩkanĩro gĩa gũtũũra tene na tene:
| ויעמידה ליעקב לחק לישראל ברית עולם |
11 “Wee nĩwe ngaahe bũrũri wa Kaanani ũtuĩke igai rĩrĩa ũkaagaya.”
| לאמר--לך אתן את-ארץ-כנען חבל נחלתכם |
12 Hĩndĩ ĩrĩa maarĩ o anini magĩtarwo, o anini biũ, na marĩ ageni kuo-rĩ,
| בהיותם מתי מספר כמעט וגרים בה |
13 morũũraga kuuma rũrĩrĩ rũmwe nginya rũrĩa rũngĩ, na kuuma ũthamaki-inĩ ũmwe nginya ũrĩa ũngĩ.
| ויתהלכו מגוי אל-גוי מממלכה אל-עם אחר |
14 Ndarĩ mũndũ o na ũmwe eetĩkĩririe amanyariire; nĩ ũndũ wao akĩrũithia athamaki, akĩmeera atĩrĩ:
| לא-הניח אדם לעשקם ויוכח עליהם מלכים |
15 “Mũtikanahutie andũ arĩa akwa aitĩrĩrie maguta; mũtikaneke anabii akwa ũũru.”
| אל-תגעו במשיחי ולנביאי אל-תרעו |
16 Agĩtũma bũrũri ũcio ũgĩe ngʼaragu, na akĩniina mĩthiithũ yao yothe ya irio;
| ויקרא רעב על-הארץ כל-מטה-לחם שבר |
17 agĩtũma mũndũ athiĩ mbere yao: nĩwe Jusufu, ũrĩa wendirio arĩ ngombo.
| שלח לפניהם איש לעבד נמכר יוסף |
18 Nĩmamũtiihirie magũrũ na bĩngũ, na makĩmuoha ngingo na igera,
| ענו בכבל רגליו (רגלו) ברזל באה נפשו |
19 nginya ũrĩa oigĩte ũgĩkinyanĩra, nginya kiugo kĩa Jehova gĩkĩonania atĩ aarĩ mũndũ wa ma.
| עד-עת בא-דברו-- אמרת יהוה צרפתהו |
20 Mũthamaki agĩtũmana na akĩmuohorithia, mwathi ũcio wa ndũrĩrĩ akĩmũrekereria.
| שלח מלך ויתירהו משל עמים ויפתחהו |
21 Akĩmũtua mwathi wa indo cia nyũmba yake, na mũrori wa indo iria ciothe aarĩ nacio,
| שמו אדון לביתו ומשל בכל-קנינו |
22 nĩguo ataarage anene ake o ũrĩa angĩonire kwagĩrĩire, na arutage athuuri ake ũũgĩ.
| לאסר שריו בנפשו וזקניו יחכם |
23 Hĩndĩ ĩyo Isiraeli agĩthiĩ Misiri; Jakubu agĩtũũra arĩ mũgeni bũrũri-inĩ ũcio wa Hamu.
| ויבא ישראל מצרים ויעקב גר בארץ-חם |
24 Jehova agĩtũma andũ ake maciarane mũno; agĩtũma maingĩhe mũno gũkĩra thũ ciao,
| ויפר את-עמו מאד ויעצמהו מצריו |
25 iria aagarũrire ngoro ciao agĩtũma ithũũre andũ ake, agĩtũma ithugundĩre ndungata ciake ũũru.
| הפך לבם לשנא עמו להתנכל בעבדיו |
26 Aatũmire Musa ndungata yake, na Harũni, ũrĩa aathurĩte.
| שלח משה עבדו אהרן אשר בחר-בו |
27 Nao makĩringa ciama ciake gatagatĩ-inĩ kao, magĩĩka magegania make bũrũri-inĩ wa Hamu.
| שמו-בם דברי אתותיו ומפתים בארץ חם |
28 Agĩtũma kũgĩe nduma naguo bũrũri ũcio ũgĩtumana, tondũ-rĩ, githĩ ti ciugo ciake maaremeire?
| שלח חשך ויחשך ולא-מרו את-דבריו (דברו) |
29 Akĩgarũra maaĩ mao magĩtuĩka thakame, agĩtũma thamaki ciao ikue.
| הפך את-מימיהם לדם וימת את-דגתם |
30 Bũrũri wao ũkĩiyũra ciũra, iria ciatoonyire nginya tũnyũmba twa toro twa anene ao.
| שרץ ארצם צפרדעים בחדרי מלכיהם |
31 Aaririe, gũgĩũka mĩrumbĩ ya ngi, na rwagĩ rũkĩiyũra bũrũri wao wothe.
| אמר ויבא ערב כנים בכל-גבולם |
32 Akĩgarũra mbura yao ĩgĩtuĩka ya mbembe, na heni ikĩhenũka bũrũri-inĩ wao wothe;
| נתן גשמיהם ברד אש להבות בארצם |
33 akĩrũnda mĩthabibũ yao, na mĩkũyũ, na akiunanga mĩtĩ ya bũrũri wao.
| ויך גפנם ותאנתם וישבר עץ גבולם |
34 Aaririe, nacio ngigĩ igĩũka, na ndaahi itangĩtarĩka;
| אמר ויבא ארבה וילק ואין מספר |
35 ikĩrĩa kĩndũ gĩothe kĩarĩ kĩĩruru bũrũri-inĩ wao, na ikĩrĩa maciaro ma tĩĩri wao.
| ויאכל כל-עשב בארצם ויאכל פרי אדמתם |
36 Ningĩ akĩũraga marigithathi mothe ma bũrũri wao, maciaro ma mbere ma ũciari wao wothe.
| ויך כל-בכור בארצם ראשית לכל-אונם |
37 Nĩaarutire Isiraeli makiuma kuo, makuuĩte betha na thahabu, na gatagatĩ ka mĩhĩrĩga yao hatiarĩ mũndũ o na ũmwe warĩ mũhinyaru.
| ויוציאם בכסף וזהב ואין בשבטיו כושל |
38 Andũ a Misiri nĩmakenire moima kuo, tondũ nĩmanyiitĩtwo nĩ guoya wa andũ acio a Isiraeli.
| שמח מצרים בצאתם כי-נפל פחדם עליהם |
39 Nĩatambũrũkirie itu rĩmahumbagĩre, o na mwaki wa kũmamũrĩkagĩra ũtukũ.
| פרש ענן למסך ואש להאיר לילה |
40 Metirie irio, nake akĩmarehere tũmakia-arũme, na akĩmahũũnia na irio cia igũrũ.
| שאל ויבא שלו ולחם שמים ישביעם |
41 Aatũranirie rwaro rwa ihiga, namo maaĩ magĩtothoka; magĩgĩtherera ta rũũĩ kũu werũ-inĩ.
| פתח צור ויזובו מים הלכו בציות נהר |
42 Nĩgũkorwo nĩaririkanire kĩĩranĩro gĩake gĩtheru kĩrĩa aarĩkanĩire na ndungata yake Iburahĩmu.
| כי-זכר את-דבר קדשו את-אברהם עבדו |
43 Nĩaarutire andũ ake makiuma kũu makenete, akĩruta acio ake athuure makĩanagĩrĩra nĩ gũkena;
| ויוצא עמו בששון ברנה את-בחיריו |
44 akĩmahe mabũrũri ma ndũrĩrĩ, nao magĩtuĩka a kũgaya kĩrĩa andũ angĩ maanogeire,
| ויתן להם ארצות גוים ועמל לאמים יירשו |
45 nĩguo marũmagie mataaro make, na maathĩkagĩre mawatho make. Goocai Jehova.
| בעבור ישמרו חקיו-- ותורתיו ינצרו הללו-יה |
