Thaburi 100

1 Anĩrĩrai mũkenete mũrĩ mbere ya Jehova, inyuĩ andũ othe a thĩ.

[A Psalm of thanksgiving.] Shout for joy to YHWH, all you lands.

2 Thathaiyai Jehova mũcanjamũkĩte; ũkai mbere yake mũkĩinaga mũkenete.

Serve YHWH with gladness. Come before his presence with singing.

3 Menyai atĩ Jehova nĩwe Ngai. Nĩwe watũũmbire, na ithuĩ tũrĩ ake, tũrĩ andũ ake, ngʼondu cia ũrĩithio wake.

Know that YHWH, he is God. It is he who has made us, and we belong to him. We are his people, and the sheep of his pasture.

4 Tonyerai ihingo ciake mũrĩ na ngaatho, mũtoonye nja ciake mũkĩmũgoocaga; mũcookeriei ngaatho na mũgooce rĩĩtwa rĩake.

Enter into his gates with thanksgiving, and into his courts with praise. Give thanks to him, and bless his name.

5 Nĩgũkorwo Jehova nĩ mwega, wendo wake ũtũũraga nginya tene na tene; wĩhokeku wake nĩ wa nginya njiarwa na njiarwa.

For YHWH is good. His loving kindness endures forever, and his faithfulness to all generations.