Thimo 8
1 Githĩ ũũgĩ ndareetana? Githĩ ũtaũku ndaranĩrĩra na mũgambo wake?
| הלא חכמה תקרא ותבונה תתן קולה׃ |
2 Njĩra-inĩ kũrĩa gũtũũgĩru, na magomano-inĩ ma njĩra-rĩ, nĩho ũũgĩ arũgamĩte;
| בראש מרומים עלי דרך בית נתיבות נצבה׃ |
3 ningĩ hakuhĩ na ihingo iria cierekeire itũũra inene, o hau matoonyero-inĩ-rĩ, nĩho araanĩrĩra akoiga atĩrĩ:
| ליד שערים לפי קרת מבוא פתחים תרנה׃ |
4 “Inyuĩ andũ nĩ inyuĩ ndĩreeta; ndĩraanĩrĩra na mũgambo wakwa kũrĩ andũ othe a thĩ.
| אליכם אישים אקרא וקולי אל בני אדם׃ |
5 Inyuĩ arĩa mũtarĩ na ũũgĩ, gĩai na ũbaarĩrĩri, inyuĩ arĩa akĩĩgu, gĩai na ũtaũku.
| הבינו פתאים ערמה וכסילים הבינו לב׃ |
6 Thikĩrĩriai, nĩgũkorwo ndĩ na maũndũ ma bata ngwaria; ngũtumũra mĩromo yakwa njarie maũndũ marĩa magĩrĩire.
| שמעו כי נגידים אדבר ומפתח שפתי מישרים׃ |
7 Kanua gakwa kaaragia ũhoro wa ma, nĩgũkorwo mĩromo yakwa nĩĩthũire waganu mũno ta kĩndũ kĩrĩ magigi.
| כי אמת יהגה חכי ותועבת שפתי רשע׃ |
8 Ciugo ciothe cia kanua gakwa nĩ cia ũthingu; gũtirĩ o na kiugo kĩmwe gĩacio kĩogomu kana gĩa kũhĩtithania.
| בצדק כל אמרי פי אין בהם נפתל ועקש׃ |
9 Kũrĩ arĩa makũũranaga maũndũ ciugo ciothe nĩciagĩrĩire; itirĩ mahĩtia kũrĩ arĩa marĩ na ũmenyo.
| כלם נכחים למבין וישרים למצאי דעת׃ |
10 Thuurai mataaro makwa handũ ha betha, mũthuure ũmenyo handũ ha thahabu ĩrĩa njega mũno,
| קחו מוסרי ואל כסף ודעת מחרוץ נבחר׃ |
11 nĩgũkorwo ũũgĩ nĩ wa goro gũkĩra ruru iria ndune, na gũtirĩ kĩndũ ũngĩĩrirĩria kĩngĩringithanio naguo.
| כי טובה חכמה מפנינים וכל חפצים לא ישוו בה׃ |
12 “Niĩ ũũgĩ-rĩ, ndũũranagia na ũbaarĩrĩri; nĩndĩgwatĩire ũmenyo o na gũthugunda maũndũ mega.
| אני חכמה שכנתי ערמה ודעת מזמות אמצא׃ |
13 Gwĩtigĩra Jehova nĩgũthũũra ũũru; nĩthũire mwĩtĩĩo na mwĩtũũgĩrio, na mĩtugo mĩũru na mĩario ya waganu.
| יראת יהוה שנאת רע גאה וגאון ודרך רע ופי תהפכות שנאתי׃ |
14 Kĩrĩra na ũũgĩ wa gũkũũrana maũndũ nĩ ciakwa; niĩ ndĩ na ũtaũku, na ndĩ na ũhoti.
| לי עצה ותושיה אני בינה לי גבורה׃ |
15 Athamaki mathamakaga nĩ ũndũ wa hinya wakwa nao aathani magathondeka mawatho ma kĩhooto;
| בי מלכים ימלכו ורוזנים יחקקו צדק׃ |
16 anene mathamakaga nĩ ũndũ wa hinya wakwa, o ũndũ ũmwe na arĩa othe marĩ igweta arĩa maathanaga gũkũ thĩ.
| בי שרים ישרו ונדיבים כל שפטי צדק׃ |
17 Nĩnyendete arĩa manyendete, nao arĩa manjaragia na kĩyo nĩmanyonaga.
| אני אהביה אהב ומשחרי ימצאנני׃ |
18 Ũtonga na gĩtĩĩo cionekaga harĩ niĩ, o hamwe na ũtonga wa gũtũũra, na ũgaacĩru.
| עשר וכבוד אתי הון עתק וצדקה׃ |
19 Maciaro makwa nĩ mega gũkĩra thahabu ĩrĩa therie; uumithio wakwa nĩũkĩrĩte betha ĩrĩa njega.
| טוב פריי מחרוץ ומפז ותבואתי מכסף נבחר׃ |
20 Niĩ thiiaga na njĩra ya ũthingu, ngathiĩra o njĩra-inĩ cia kĩhooto,
| בארח צדקה אהלך בתוך נתיבות משפט׃ |
21 ngĩheaga andũ arĩa manyendete ũtonga, na ngaiyũragia igĩĩna ciao.
| להנחיל אהבי יש ואצרתיהם אמלא׃ |
22 “Jehova aanyũmbire o kĩambĩrĩria-inĩ kĩa wĩra wake, mbere ya mawĩra make ma tene;
| יהוה קנני ראשית דרכו קדם מפעליו מאז׃ |
23 ndaathuurirwo kuuma tene wa tene, kuuma o kĩambĩrĩria, thĩ ĩtarĩ yagĩa.
| מעולם נסכתי מראש מקדמי ארץ׃ |
24 Rĩrĩa gũtaagĩte maria manene-rĩ, nĩguo ndaciarirwo, o hĩndĩ ĩrĩa gũtaarĩ matherũkĩro maiyũrĩte maaĩ;
| באין תהמות חוללתי באין מעינות נכבדי מים׃ |
25 ndaciarirwo irĩma itanahaandwo harĩa irĩ, na tũrĩma tũtanagĩa,
| בטרם הרים הטבעו לפני גבעות חוללתי׃ |
26 we atanoomba thĩ kana ithaka ciayo, o na kana rũkũngũ o ruothe rwa thĩ.
| עד לא עשה ארץ וחוצות וראש עפרות תבל׃ |
27 Niĩ ndaarĩ o kuo hĩndĩ ĩrĩa aathondekire igũrũ na akĩrĩiga handũ ha rĩo, hĩndĩ ĩrĩa eekĩrire rũkiriri rwa kũrĩa kũriku,
| בהכינו שמים שם אני בחוקו חוג על פני תהום׃ |
28 rĩrĩa aahaandire matu kũu igũrũ, na akĩrũmia ithima cia kũrĩa kũriku wega,
| באמצו שחקים ממעל בעזוז עינות תהום׃ |
29 rĩrĩa eekĩrire mũhaka wa iria nĩguo maaĩ matikanae kwagarara watho wake, na rĩrĩa aahandire mĩthingi ya thĩ.
| בשומו לים חקו ומים לא יעברו פיו בחוקו מוסדי ארץ׃ |
30 Hĩndĩ ĩyo ndaarĩ o hakuhĩ nake ndĩ ta mũbundi mũũgĩ. Ndaaiyũrĩtwo nĩ gĩkeno mũthenya o mũthenya, na ngakenaga hĩndĩ ciothe ndĩ mbere yake,
| ואהיה אצלו אמון ואהיה שעשעים יום יום משחקת לפניו בכל עת׃ |
31 ngakenagĩra thĩ yake yothe, na ngakenagio nĩ andũ othe a thĩ.
| משחקת בתבל ארצו ושעשעי את בני אדם׃ |
32 “Atĩrĩrĩ ariũ akwa, ta thikĩrĩriai; kũrathimwo nĩ arĩa marũmagia njĩra ciakwa.
| ועתה בנים שמעו לי ואשרי דרכי ישמרו׃ |
33 Ta thikĩrĩriai mataaro makwa nĩguo mũhĩge; mũtikamarege.
| שמעו מוסר וחכמו ואל תפרעו׃ |
34 Kũrathimwo nĩ mũndũ ũrĩa ũnjiguaga, agacũthagĩrĩria mĩrango-inĩ yakwa o mũthenya, akanjetagĩrĩra hingĩro-inĩ cia mĩrango yakwa.
| אשרי אדם שמע לי לשקד על דלתתי יום יום לשמר מזוזת פתחי׃ |
35 Nĩgũkorwo ũrĩa wothe ũgĩte na niĩ nĩ muoyo agĩte naguo, nake akagĩa na agetĩkĩrĩka harĩ Jehova.
| כי מצאי מצאי חיים ויפק רצון מיהוה׃ |
36 No ũrĩa wothe ũhĩtanĩtie na niĩ nĩ ũũru eĩkaga; nao arĩa othe maathũire nĩ gĩkuũ mendete.”
| וחטאי חמס נפשו כל משנאי אהבו מות׃ |
