Thimo 8
1 Githĩ ũũgĩ ndareetana? Githĩ ũtaũku ndaranĩrĩra na mũgambo wake?
智慧豈不呼叫？ 聰明豈不發聲？
2 Njĩra-inĩ kũrĩa gũtũũgĩru, na magomano-inĩ ma njĩra-rĩ, nĩho ũũgĩ arũgamĩte;
她在道旁高處的頂上， 在十字路口站立，
3 ningĩ hakuhĩ na ihingo iria cierekeire itũũra inene, o hau matoonyero-inĩ-rĩ, nĩho araanĩrĩra akoiga atĩrĩ:
在城門旁，在城門口， 在城門洞，大聲說：
4 “Inyuĩ andũ nĩ inyuĩ ndĩreeta; ndĩraanĩrĩra na mũgambo wakwa kũrĩ andũ othe a thĩ.
眾人哪，我呼叫你們， 我向世人發聲。
5 Inyuĩ arĩa mũtarĩ na ũũgĩ, gĩai na ũbaarĩrĩri, inyuĩ arĩa akĩĩgu, gĩai na ũtaũku.
說：愚蒙人哪，你們要會悟靈明； 愚昧人哪，你們當心裏明白。
6 Thikĩrĩriai, nĩgũkorwo ndĩ na maũndũ ma bata ngwaria; ngũtumũra mĩromo yakwa njarie maũndũ marĩa magĩrĩire.
你們當聽，因我要說極美的話； 我張嘴要論正直的事。
7 Kanua gakwa kaaragia ũhoro wa ma, nĩgũkorwo mĩromo yakwa nĩĩthũire waganu mũno ta kĩndũ kĩrĩ magigi.
我的口要發出真理； 我的嘴憎惡邪惡。
8 Ciugo ciothe cia kanua gakwa nĩ cia ũthingu; gũtirĩ o na kiugo kĩmwe gĩacio kĩogomu kana gĩa kũhĩtithania.
我口中的言語都是公義， 並無彎曲乖僻。
9 Kũrĩ arĩa makũũranaga maũndũ ciugo ciothe nĩciagĩrĩire; itirĩ mahĩtia kũrĩ arĩa marĩ na ũmenyo.
有聰明的，以為明顯， 得知識的，以為正直。
10 Thuurai mataaro makwa handũ ha betha, mũthuure ũmenyo handũ ha thahabu ĩrĩa njega mũno,
你們當受我的教訓，不受白銀； 寧得知識，勝過黃金。
11 nĩgũkorwo ũũgĩ nĩ wa goro gũkĩra ruru iria ndune, na gũtirĩ kĩndũ ũngĩĩrirĩria kĩngĩringithanio naguo.
因為智慧比珍珠更美； 一切可喜愛的都不足與比較。
12 “Niĩ ũũgĩ-rĩ, ndũũranagia na ũbaarĩrĩri; nĩndĩgwatĩire ũmenyo o na gũthugunda maũndũ mega.
我－智慧以靈明為居所， 又尋得知識和謀略。
13 Gwĩtigĩra Jehova nĩgũthũũra ũũru; nĩthũire mwĩtĩĩo na mwĩtũũgĩrio, na mĩtugo mĩũru na mĩario ya waganu.
敬畏耶和華在乎恨惡邪惡； 那驕傲、狂妄，並惡道， 以及乖謬的口，都為我所恨惡。
14 Kĩrĩra na ũũgĩ wa gũkũũrana maũndũ nĩ ciakwa; niĩ ndĩ na ũtaũku, na ndĩ na ũhoti.
我有謀略和真知識； 我乃聰明，我有能力。
15 Athamaki mathamakaga nĩ ũndũ wa hinya wakwa nao aathani magathondeka mawatho ma kĩhooto;
帝王藉我坐國位； 君王藉我定公平。
16 anene mathamakaga nĩ ũndũ wa hinya wakwa, o ũndũ ũmwe na arĩa othe marĩ igweta arĩa maathanaga gũkũ thĩ.
王子和首領， 世上一切的審判官，都是藉我掌權。
17 Nĩnyendete arĩa manyendete, nao arĩa manjaragia na kĩyo nĩmanyonaga.
愛我的，我也愛他； 懇切尋求我的，必尋得見。
18 Ũtonga na gĩtĩĩo cionekaga harĩ niĩ, o hamwe na ũtonga wa gũtũũra, na ũgaacĩru.
豐富尊榮在我； 恆久的財並公義也在我。
19 Maciaro makwa nĩ mega gũkĩra thahabu ĩrĩa therie; uumithio wakwa nĩũkĩrĩte betha ĩrĩa njega.
我的果實勝過黃金，強如精金； 我的出產超乎高銀。
20 Niĩ thiiaga na njĩra ya ũthingu, ngathiĩra o njĩra-inĩ cia kĩhooto,
我在公義的道上走， 在公平的路中行，
21 ngĩheaga andũ arĩa manyendete ũtonga, na ngaiyũragia igĩĩna ciao.
使愛我的，承受貨財， 並充滿他們的府庫。
22 “Jehova aanyũmbire o kĩambĩrĩria-inĩ kĩa wĩra wake, mbere ya mawĩra make ma tene;
在耶和華造化的起頭， 在太初創造萬物之先，就有了我。
23 ndaathuurirwo kuuma tene wa tene, kuuma o kĩambĩrĩria, thĩ ĩtarĩ yagĩa.
從亙古，從太初， 未有世界以前，我已被立。
24 Rĩrĩa gũtaagĩte maria manene-rĩ, nĩguo ndaciarirwo, o hĩndĩ ĩrĩa gũtaarĩ matherũkĩro maiyũrĩte maaĩ;
沒有深淵， 沒有大水的泉源，我已生出。
25 ndaciarirwo irĩma itanahaandwo harĩa irĩ, na tũrĩma tũtanagĩa,
大山未曾奠定， 小山未有之先，我已生出。
26 we atanoomba thĩ kana ithaka ciayo, o na kana rũkũngũ o ruothe rwa thĩ.
耶和華還沒有創造大地和田野， 並世上的土質，我已生出。
27 Niĩ ndaarĩ o kuo hĩndĩ ĩrĩa aathondekire igũrũ na akĩrĩiga handũ ha rĩo, hĩndĩ ĩrĩa eekĩrire rũkiriri rwa kũrĩa kũriku,
他立高天，我在那裏； 他在淵面的周圍，劃出圓圈。
28 rĩrĩa aahaandire matu kũu igũrũ, na akĩrũmia ithima cia kũrĩa kũriku wega,
上使穹蒼堅硬， 下使淵源穩固，
29 rĩrĩa eekĩrire mũhaka wa iria nĩguo maaĩ matikanae kwagarara watho wake, na rĩrĩa aahandire mĩthingi ya thĩ.
為滄海定出界限，使水不越過他的命令， 立定大地的根基。
30 Hĩndĩ ĩyo ndaarĩ o hakuhĩ nake ndĩ ta mũbundi mũũgĩ. Ndaaiyũrĩtwo nĩ gĩkeno mũthenya o mũthenya, na ngakenaga hĩndĩ ciothe ndĩ mbere yake,
那時，我在他那裏為工師， 日日為他所喜愛， 常常在他面前踴躍，
31 ngakenagĩra thĩ yake yothe, na ngakenagio nĩ andũ othe a thĩ.
踴躍在他為人預備可住之地， 也喜悅住在世人之間。
32 “Atĩrĩrĩ ariũ akwa, ta thikĩrĩriai; kũrathimwo nĩ arĩa marũmagia njĩra ciakwa.
眾子啊，現在要聽從我， 因為謹守我道的，便為有福。
33 Ta thikĩrĩriai mataaro makwa nĩguo mũhĩge; mũtikamarege.
要聽教訓就得智慧， 不可棄絕。
34 Kũrathimwo nĩ mũndũ ũrĩa ũnjiguaga, agacũthagĩrĩria mĩrango-inĩ yakwa o mũthenya, akanjetagĩrĩra hingĩro-inĩ cia mĩrango yakwa.
聽從我、日日在我門口仰望、 在我門框旁邊等候的，那人便為有福。
35 Nĩgũkorwo ũrĩa wothe ũgĩte na niĩ nĩ muoyo agĩte naguo, nake akagĩa na agetĩkĩrĩka harĩ Jehova.
因為尋得我的，就尋得生命， 也必蒙耶和華的恩惠。
36 No ũrĩa wothe ũhĩtanĩtie na niĩ nĩ ũũru eĩkaga; nao arĩa othe maathũire nĩ gĩkuũ mendete.”
得罪我的，卻害了自己的性命； 恨惡我的，都喜愛死亡。
