Thimo 4
1 Atĩrĩrĩ, inyuĩ ariũ akwa, ta thikĩrĩriai ũrũtani wa thoguo; njiguai nĩguo mwĩgĩĩre na kũmenya maũndũ.
| שמעו בנים מוסר אב והקשיבו לדעת בינה׃ |
2 Tondũ ngũmũhe ũrutani mwega, nĩ ũndũ ũcio mũtigatirike ũrutani wakwa.
| כי לקח טוב נתתי לכם תורתי אל תעזבו׃ |
3 Rĩrĩa ndaarĩ mwana nyũmba-inĩ ya baba, ndĩ o mũndũ mwĩthĩ, na ndĩ mwana wa mũmwe wa maitũ-rĩ,
| כי בן הייתי לאבי רך ויחיד לפני אמי׃ |
4 baba nĩandutire, akĩnjĩĩra atĩrĩ, “Wĩgwatĩre ciugo ciakwa na ngoro yaku yothe; rũmia maathani makwa, na nĩũgũtũũra muoyo.
| וירני ויאמר לי יתמך דברי לבך שמר מצותי וחיה׃ |
5 Gĩa na ũũgĩ, gĩa na kũmenya maũndũ; ndũkanariganĩrwo nĩ ciugo ciakwa, kana wahũke kuuma harĩ cio.
| קנה חכמה קנה בינה אל תשכח ואל תט מאמרי פי׃ |
6 Ndũkanatirike ũũgĩ, naguo nĩũrĩkũgitagĩra;
| אל תעזבה ותשמרך אהבה ותצרך׃ |
7 Ũũgĩ ũkĩrĩte indo ciothe; nĩ ũndũ ũcio wĩgĩĩre na ũũgĩ. Ĩĩ, kaba kũruta indo ciaku ciothe wĩgĩĩre na kũmenya maũndũ.
| ראשית חכמה קנה חכמה ובכל קנינך קנה בינה׃ |
8 Tũũgagĩria ũũgĩ mũno, naguo nĩũrĩkwambararagia; ũhĩmbagĩrie, naguo nĩũrĩgũtĩĩithagia.
| סלסלה ותרוממך תכבדך כי תחבקנה׃ |
9 Nĩũgagwĩkĩra ithaga rĩa ũtugi mũtwe waku, na ũkũhe thũmbĩ thaka mũno.”
| תתן לראשך לוית חן עטרת תפארת תמגנך׃ |
10 Thikĩrĩria, wee mũrũ wakwa, na wĩtĩkĩre ũrĩa ngũkwĩra, nĩgeetha mĩaka ya muoyo waku ĩingĩhe.
| שמע בני וקח אמרי וירבו לך שנות חיים׃ |
11 Nguonetie njĩra ya ũũgĩ, na ngagũtongoria njĩra-inĩ iria nũngarũ.
| בדרך חכמה הרתיך הדרכתיך במעגלי ישר׃ |
12 Rĩrĩa ũgũthiĩ, makinya maku matikahĩngĩcwo; rĩrĩa ũkũhanyũka-rĩ, ndũkahĩngwo.
| בלכתך לא יצר צעדך ואם תרוץ לא תכשל׃ |
13 Rũmia ũrutani wakwa, na ndũkanareke ũkweherere; ũgitagĩre wega, nĩgũkorwo nĩguo muoyo waku.
| החזק במוסר אל תרף נצרה כי היא חייך׃ |
14 Ndũkanagerere njĩra ya andũ arĩa aaganu, kana ũthiĩre njĩra ya andũ arĩa ooru.
| בארח רשעים אל תבא ואל תאשר בדרך רעים׃ |
15 Mĩĩtheemage, na ndũkanamĩgerere; mĩhutatĩre, na wĩthiĩre na njĩra yaku.
| פרעהו אל תעבר בו שטה מעליו ועבור׃ |
16 Nĩgũkorwo andũ arĩa aaganu matingĩkoma nginya meeke ũũru; mooragwo nĩ toro nginya matũme mũndũ ahĩngwo, agwe.
| כי לא ישנו אם לא ירעו ונגזלה שנתם אם לא יכשולו׃ |
17 Marĩĩaga irio iria monete na ũmaramari, na makanyua ndibei matunyanĩte na hinya.
| כי לחמו לחם רשע ויין חמסים ישתו׃ |
18 Mĩthiĩre ya andũ arĩa athingu ĩhaana ta ũtheri wa gũgĩkĩa, ũrĩa ũthiiaga ũgĩthererũkaga nginya mũthenya barigici.
| וארח צדיקים כאור נגה הולך ואור עד נכון היום׃ |
19 No mĩthiĩre ya andũ arĩa aaganu ĩhaana ta nduma ndumanu; o matimenyaga kĩrĩa kĩamahĩnga.
| דרך רשעים כאפלה לא ידעו במה יכשלו׃ |
20 Mũrũ wakwa, ta thikĩrĩria ũrĩa ngũkwĩra; tega gũtũ ũigue ciugo ciakwa.
| בני לדברי הקשיבה לאמרי הט אזנך׃ |
21 Ndũkanareke ciehere maitho-inĩ maku, ciigage ngoro-inĩ yaku;
| אל יליזו מעיניך שמרם בתוך לבבך׃ |
22 nĩgũkorwo nĩcio itũũragia arĩa maciĩgwatĩire muoyo, na igekĩra mwĩrĩ wao wothe ũgima.
| כי חיים הם למצאיהם ולכל בשרו מרפא׃ |
23 Makĩria ya macio mothe, rangagĩra ngoro yaku, nĩgũkorwo nĩyo gĩthima kĩrĩa gĩtherũkaga muoyo.
| מכל משמר נצר לבך כי ממנו תוצאות חיים׃ |
24 Eheria rũnano kanua-inĩ gaku; nacio ndeto cia ũmaramari-rĩ, nĩciikare kũraya na iromo ciaku.
| הסר ממך עקשות פה ולזות שפתים הרחק ממך׃ |
25 Maitho maku nĩmarorage na mbere, ũcũthagĩrĩrie mbere yaku wega.
| עיניך לנכח יביטו ועפעפיך יישרו נגדך׃ |
26 Aragania njĩra iria magũrũ maku marĩthiiagĩra, na ũthiiagĩre o njĩra iria ngiindĩrĩku.
| פלס מעגל רגלך וכל דרכיך יכנו׃ |
27 Ndũkanaahũke na mwena wa ũrĩo kana wa ũmotho; eheria kũgũrũ gwaku kuuma ũũru-inĩ.
| אל תט ימין ושמאול הסר רגלך מרע׃ |
