Ayubu 41
1 “No ũhote kũguucũrũria nyamũ ĩrĩa ĩĩtagwo Leviathani na ndwano, kana wohe rũrĩmĩ rwayo na mũkanda?
| תמשך לויתן בחכה ובחבל תשקיע לשנו׃ |
2 No ũhote kũmĩtoonyia rũrigi iniũrũ, kana ũmĩtũrĩkanie rũthĩa na ndwano?
| התשים אגמון באפו ובחוח תקוב לחיו׃ |
3 No ĩtinde ĩgĩgũthaitha ũmĩiguĩre tha? No ĩkwarĩrie na ciugo cia ũhooreri?
| הירבה אליך תחנונים אם ידבר אליך רכות׃ |
4 No ĩrĩkanĩre nawe ũthiĩ nayo, ĩtũũre ĩrĩ ngombo yaku nginya tene?
| היכרת ברית עמך תקחנו לעבד עולם׃ |
5 No ũhote kũmĩhooreria ta nyoni, kana ũmĩoherere handũ nĩguo airĩtu aku mamĩmeemagie?
| התשחק בו כצפור ותקשרנו לנערותיך׃ |
6 Onjoria no mamĩkũũranie na indo ciao? No mamĩgayanie kũrĩ onjorithia?
| יכרו עליו חברים יחצוהו בין כנענים׃ |
7 No ũhote gũtheecanga rũũa rwayo na mĩcengi, kana ũtheecange mũtwe wayo na mĩcengi ĩrĩa ĩtegaga thamaki?
| התמלא בשכות עורו ובצלצל דגים ראשו׃ |
8 Ũngĩmĩhutia na guoko, ũngĩtũũra ũririkanaga kĩgiano kĩu, na ndũngĩgacookera!
| שים עליו כפך זכר מלחמה אל תוסף׃ |
9 Mwĩrĩgĩrĩro wa atĩ no ũmĩtoorie nĩ kwĩheenia; o kũmĩona tu nĩkũiganĩte gũtũma mũndũ amake, orwo nĩ hinya.
| הן תחלתו נכזבה הגם אל מראיו יטל׃ |
10 Gũtirĩ mũndũ ũrĩ ũcamba mũiganu wa kũmĩarahũra. Nũũ ũngĩkĩhota kwĩĩndiiria niĩ?
| לא אכזר כי יעורנו ומי הוא לפני יתיצב׃ |
11 Nũũ ũngĩnandũra kĩndũ atĩ nĩguo ndĩmũrĩhe? Kĩndũ gĩothe kĩrĩ rungu rwa igũrũ nĩ gĩakwa.
| מי הקדימני ואשלם תחת כל השמים לי הוא׃ |
12 “Ndikwaga kwaria ũhoro wa ciĩga ciayo, o na wa hinya wayo, na wa ũthaka wayo.
| לא אחריש בדיו ודבר גבורות וחין ערכו׃ |
13 Nũũ ũngĩhota kũmĩaũra nguo yayo ya igũrũ? Nũũ ũngĩmĩkuhĩrĩria amĩĩkĩre matamu?
| מי גלה פני לבושו בכפל רסנו מי יבוא׃ |
14 Nũũ ũngĩũmĩrĩria kũmĩathamia kanua, kau kaiyũrĩte magego ma kũmakania?
| דלתי פניו מי פתח סביבות שניו אימה׃ |
15 Mũgongo wayo ũrĩ na ngo ciĩiganĩrĩire mĩhari, ikomanĩire ikanyiitana;
| גאוה אפיקי מגנים סגור חותם צר׃ |
16 o ĩmwe ĩnyiitanĩte na ĩrĩa ĩngĩ, ũũ atĩ gũtirĩ rĩera rĩngĩtoonyera gatagatĩ ga cio.
| אחד באחד יגשו ורוח לא יבוא ביניהם׃ |
17 Igwatanĩtio hamwe irĩ nũmu; inyiitanĩte hamwe ũndũ itangĩtigithũkana.
| איש באחיהו ידבקו יתלכדו ולא יתפרדו׃ |
18 Gũtiiha kwayo kũmenũkagia ũtheri; maitho mayo nĩ ta mĩrũri ya rũciinĩ gũgĩthererũka.
| עטישתיו תהל אור ועיניו כעפעפי שחר׃ |
19 Imũrĩ cia mwaki ciumaga kanua-inĩ kayo; ĩrathũkagia thandĩ cia mwaki.
| מפיו לפידים יהלכו כידודי אש יתמלטו׃ |
20 Ĩrutaga ndogo na maniũrũ taarĩ nyũngũ ĩratherũka ĩhagĩrĩtwo igũrũ rĩa mwaki wa ithanjĩ.
| מנחיריו יצא עשן כדוד נפוח ואגמן׃ |
21 Mĩhũmũ yayo ĩgwatagia makara mwaki, naruo rũrĩrĩmbĩ rũkoima kanua kayo.
| נפשו גחלים תלהט ולהב מפיו יצא׃ |
22 Ngingo-inĩ yayo nĩho hinya wayo ũkoragwo, ũrĩa ũmakagia kĩrĩa gĩothe gĩtũnganaga nayo.
| בצוארו ילין עז ולפניו תדוץ דאבה׃ |
23 Mĩgũtha ya nyama ciayo nĩmĩnyiitanu mũno; nĩ mĩrũmu ũũ atĩ ndĩngĩenyenyeka.
| מפלי בשרו דבקו יצוק עליו בל ימוט׃ |
24 Ngoro yayo yũmĩte ta ihiga, ĩkooma ta ihiga rĩa gũthĩa rĩa na thĩ.
| לבו יצוק כמו אבן ויצוק כפלח תחתית׃ |
25 Rĩrĩa yarahũka, arĩa marĩ hinya nĩmamakaga; mooraga ĩtanamahũũra.
| משתו יגורו אלים משברים יתחטאו׃ |
26 Gũtirĩ rũhiũ rwa njora rũngĩmĩĩka ũndũ, o na kana itimũ, kana mũguĩ, kana mĩcengi.
| משיגהו חרב בלי תקום חנית מסע ושריה׃ |
27 Harĩ Leviathani-rĩ, kĩgera no ta nyeki nyũmũ, nakĩo gĩcango no ta gĩcunjĩ kĩbuthu kĩa mũtĩ.
| יחשב לתבן ברזל לעץ רקבון נחושה׃ |
28 Mĩguĩ ndĩngĩtũma yũre; mahiga ma kĩgũtha no ta mũũngũ harĩ yo.
| לא יבריחנו בן קשת לקש נהפכו לו אבני קלע׃ |
29 Harĩ yo njũgũma no ta gacunjĩ ka rũnyeki rũmũ; ĩthekagĩrĩra kũbĩrĩrĩka gwa itimũ.
| כקש נחשבו תותח וישחק לרעש כידון׃ |
30 Nda yayo nĩ ta rũgĩo rũrĩ na mageca; ĩtigaga ngururo ndaka-inĩ ta cia ngaari iria ikonyoraga ngano.
| תחתיו חדודי חרש ירפד חרוץ עלי טיט׃ |
31 Ĩtũmaga iria kũrĩa kũriku gũtherũke ta nyũngũ, na ĩkoiruga iria ta nyũngũ ya maguta ma kwĩhaka.
| ירתיח כסיר מצולה ים ישים כמרקחה׃ |
32 Harĩa yagerera ĩtigaga mũhari ũkũhenia; mũndũ no eciirie atĩ ndia ĩrĩ na mbuĩ.
| אחריו יאיר נתיב יחשב תהום לשיבה׃ |
33 Gũtirĩ kĩndũ kĩngĩigananio nayo gũkũ thĩ; nĩ kĩũmbe gĩtarĩ guoya.
| אין על עפר משלו העשו לבלי חת׃ |
34 Ĩnyũrũragia kĩrĩa gĩothe gĩĩtũũgagĩria; nĩyo mũthamaki wa kĩrĩa gĩothe gĩĩtĩĩaga.”
| את כל גבה יראה הוא מלך על כל בני שחץ׃ |
