Ayubu 33

1 “No rĩu Ayubu-rĩ, thikĩrĩria ciugo ciakwa; tega matũ ũigue ũrĩa wothe nguuga.

Pentru aceasta, Iov, te rog, ascultă vorbirile mele și dă ascultare la toate cuvintele mele.

2 Ndĩ hakuhĩ gũtumũra kanua gakwa; ciugo ciakwa irĩ o rũrĩmĩ-inĩ rwakwa.

Iată acum mi-am deschis gura, limba mea a vorbit în gura mea.

3 Ciugo ciakwa ciumĩte ngoro nũngĩrĩru; mĩromo yakwa yaragia ĩtarĩ na ũhinga.

Cuvintele mele vor ieși din integritatea inimii mele și buzele mele vor rosti clar cunoaștere.

4 Roho wa Mũrungu nĩwe ũnyũmbĩte; mĩhũmũ ya Mwene-Hinya-Wothe nĩyo ĩĩheaga muoyo.

Duhul lui Dumnezeu m-a făcut și suflarea celui Atotputernic mi-a dat viață.

5 Nawe njookeria, akorwo nĩũkũhota; wĩhaarĩrie ũũngʼethere.

Dacă îmi poți răspunde, rânduiește-ți cuvintele înaintea mea și stai în picioare.

6 Niĩ haana o tawe maitho-inĩ ma Mũrungu; o na niĩ ndombirwo na rĩũmba.

Iată, eu sunt conform dorinței tale în locul lui Dumnezeu, am fost de asemenea format din lut.

7 Kwĩĩndigĩra gũtigakũmakie, kana guoko gwakwa gũkũritũhĩre.

Iată, teroarea mea nu te va înspăimânta, nici mâna mea nu va fi grea asupra ta.

8 “No rĩrĩ, nĩuugĩte ngĩiguaga, ngaigua ciugo icio ũkiuga atĩ,

Cu siguranță ai vorbit în auzul meu și am auzit vocea cuvintelor tale, spunând:

9 ‘Ndĩ mũtheru na ndirĩ na mehia; ndiĩkĩte ũũru, na ndirĩ na mahĩtia.

Sunt curat, fără nelegiuire, eu sunt nevinovat; nici nu este fărădelege în mine.

10 No Ngai nĩanyonete na mahĩtia; anduĩte thũ yake.

Iată, el găsește ocazii împotriva mea, mă socotește drept dușmanul său.

11 Nĩanjohaga magũrũ na mĩnyororo; arangagĩra njĩra ciakwa ciothe.’

Îmi pune picioarele în butuci, însemnează toate cărările mele.

12 “No ngũkwĩra atĩrĩ, ũhoro-inĩ ũyũ wee ndũrĩ na kĩhooto, nĩgũkorwo Ngai nĩ mũnene gũkĩra mũndũ.

Iată, în aceasta nu ești drept; îți voi răspunde, că Dumnezeu este mai mare decât omul.

13 Ũramũtetia nĩkĩ, atĩ ndacookagia kiugo kĩa mũndũ o na kĩmwe?

De ce te lupți împotriva lui? Pentru că el nu dă socoteală de niciunul dintre lucrurile lui.

14 Nĩgũkorwo Mũrungu nĩaaragia, rĩmwe na njĩra ĩmwe, na rĩngĩ akaaria na njĩra ĩngĩ, o na gũtuĩka mũndũ no aage gũkũũrana.

Căci Dumnezeu vorbește o dată, da, de două ori, totuși omul nu ia seama.

15 Rĩmwe akaaragia kĩroto-inĩ na kĩoneki-inĩ gĩa ũtukũ, rĩrĩa andũ mahĩtĩtwo nĩ toro mũnene marĩ ũrĩrĩ,

Într-un vis, într-o viziune a nopții, când somn adânc cade peste oameni, în dormiri în pat,

16 no amaarĩrie matũ-inĩ mao, na amamakie nĩguo amakaanie,

Atunci el deschide urechile oamenilor și sigilează instruirea lor.

17 nĩguo agarũre mũndũ atige kũhĩtia, na atigane na mwĩtĩĩo,

Ca să întoarcă pe om de la scopul lui și să ascundă mândria de om.

18 nĩguo agitĩre roho wake kuuma gĩkuũ-inĩ, na agitĩre muoyo wake ndũkaniinwo na rũhiũ rwa njora.

El oprește sufletul lui de la groapă și viața lui de la pierirea prin sabie.

19 Ningĩ mũndũ no arũithio na gũkomio ũrĩrĩ wa ruo, akorwo na thĩĩna wa mahĩndĩ ũtathiraga,

El este de asemenea pedepsit cu durere pe patul său și mulțimea oaselor sale cu durere puternică,

20 o nginya ngoro yake ĩgathũũra irio, na roho wake ũgathũũra irio iria njega mũno.

Astfel încât viața lui detestă pâinea și sufletul lui mâncarea aleasă.

21 Nyama cia mwĩrĩ wake ihĩnjaga igathirĩrĩkĩra, na mahĩndĩ make marĩa mataroonekaga makoimĩra.

Carnea sa este mistuită, așa încât nu poate fi văzută; și oasele sale care nu se vedeau îi ies în afară.

22 Roho wake ũgakuhĩrĩria mbĩrĩra, na muoyo wake ũgakuhĩrĩria arĩa mareehage gĩkuũ.

Da, sufletul lui se apropie de mormânt și viața lui de nimicitori.

23 “No rĩrĩ, angĩkorwo harĩ na mũraika mwena wake arĩ mũiguithania, ũmwe harĩ ngiri, wa kwĩra mũndũ ũndũ ũrĩa ũmwagĩrĩire,

Dacă ar fi un mesager cu el, un interpret, unul între o mie, să îi arate omului integritatea lui,

24 nake amũkinyĩrie wega wake na oige atĩrĩ, ‘Mũhonokie ndagatuĩke wa gũikũrũka mbĩrĩra-inĩ; nĩnyonete gĩa kũmũkũũra nakĩo,’

Atunci el este cu har spre el și spune: Eliberează-l din coborârea spre groapă; am găsit o răscumpărare.

25 hĩndĩ ĩyo nyama cia mwĩrĩ wake igeethĩha ta cia mwana; igaacooka ta ũrĩa ciarĩ matukũ-inĩ ma wĩthĩ wake.

Carnea lui va fi mai proaspătă ca a unui copil, se va întoarce la zilele tinereții sale;

26 Ahooyaga Ngai ageekwo wega nĩwe, oonaga ũthiũ wa Ngai akaanĩrĩra nĩ gũkena; agacookio ũthingu-inĩ wake nĩ Ngai.

El se va ruga lui Dumnezeu, iar el îi va arăta favoare, iar el îi va vedea fața cu bucurie; căci el va reda omului dreptatea sa.

27 Nake agacooka agathiĩ kũrĩ andũ akameera atĩrĩ, ‘Nĩndehirie, na ngĩogomia ũndũ ũrĩa warĩ wa ma, no ndiigana kũherithio ũrĩa ndaagĩrĩirwo nĩkũherithio.

El privește la oameni și dacă cineva spune: Am păcătuit și am pervertit ceea ce era drept și nu mi-a folosit,

28 Nĩakũũrire roho wakwa ndũkaharũrũkio mbĩrĩra, na niĩ ngũtũũra ngenagĩra ũtheri ũcio.’

El va elibera sufletul lui de la mersul în groapă și viața lui va vedea lumina.

29 “Mũrungu nĩekaga mũndũ maũndũ macio mothe, maita meerĩ o na kana matatũ,

Iată, toate acestea le lucrează Dumnezeu adeseori cu omul,

30 nĩguo agarũre roho wake ndũkaharũrũkio mbĩrĩra, nĩgeetha ũtheri ũcio wa muoyo ũmũtherere.

Pentru a-i aduce înapoi sufletul de la groapă, să fie iluminat cu lumina celor vii.

31 “Atĩrĩrĩ Ayubu, tega matũ na ũũthikĩrĩrie; kira ki na niĩ njarie.

Ia aminte, Iov, dă-mi ascultare, taci și voi vorbi.

32 Wakorwo ũrĩ na ũndũ wa kuuga-rĩ, njĩĩra; aria, nĩgũkorwo ingĩenda woneke ndwĩhĩtie.

Dacă ai ceva de spus, răspunde-mi, vorbește, căci doresc să te declar drept.

33 No akorwo ti ũguo-rĩ, wee gĩthikĩrĩrie; kira ki, na nĩngũkũruta ũũgĩ.”

Dacă nu, dă-mi ascultare, taci și te voi învăța înțelepciune.