Ayubu 33
1 “No rĩu Ayubu-rĩ, thikĩrĩria ciugo ciakwa; tega matũ ũigue ũrĩa wothe nguuga.
| ואולם שמע נא איוב מלי וכל דברי האזינה׃ |
2 Ndĩ hakuhĩ gũtumũra kanua gakwa; ciugo ciakwa irĩ o rũrĩmĩ-inĩ rwakwa.
| הנה נא פתחתי פי דברה לשוני בחכי׃ |
3 Ciugo ciakwa ciumĩte ngoro nũngĩrĩru; mĩromo yakwa yaragia ĩtarĩ na ũhinga.
| ישר לבי אמרי ודעת שפתי ברור מללו׃ |
4 Roho wa Mũrungu nĩwe ũnyũmbĩte; mĩhũmũ ya Mwene-Hinya-Wothe nĩyo ĩĩheaga muoyo.
| רוח אל עשתני ונשמת שדי תחיני׃ |
5 Nawe njookeria, akorwo nĩũkũhota; wĩhaarĩrie ũũngʼethere.
| אם תוכל השיבני ערכה לפני התיצבה׃ |
6 Niĩ haana o tawe maitho-inĩ ma Mũrungu; o na niĩ ndombirwo na rĩũmba.
| הן אני כפיך לאל מחמר קרצתי גם אני׃ |
7 Kwĩĩndigĩra gũtigakũmakie, kana guoko gwakwa gũkũritũhĩre.
| הנה אמתי לא תבעתך ואכפי עליך לא יכבד׃ |
8 “No rĩrĩ, nĩuugĩte ngĩiguaga, ngaigua ciugo icio ũkiuga atĩ,
| אך אמרת באזני וקול מלין אשמע׃ |
9 ‘Ndĩ mũtheru na ndirĩ na mehia; ndiĩkĩte ũũru, na ndirĩ na mahĩtia.
| זך אני בלי פשע חף אנכי ולא עון לי׃ |
10 No Ngai nĩanyonete na mahĩtia; anduĩte thũ yake.
| הן תנואות עלי ימצא יחשבני לאויב לו׃ |
11 Nĩanjohaga magũrũ na mĩnyororo; arangagĩra njĩra ciakwa ciothe.’
| ישם בסד רגלי ישמר כל ארחתי׃ |
12 “No ngũkwĩra atĩrĩ, ũhoro-inĩ ũyũ wee ndũrĩ na kĩhooto, nĩgũkorwo Ngai nĩ mũnene gũkĩra mũndũ.
| הן זאת לא צדקת אענך כי ירבה אלוה מאנוש׃ |
13 Ũramũtetia nĩkĩ, atĩ ndacookagia kiugo kĩa mũndũ o na kĩmwe?
| מדוע אליו ריבות כי כל דבריו לא יענה׃ |
14 Nĩgũkorwo Mũrungu nĩaaragia, rĩmwe na njĩra ĩmwe, na rĩngĩ akaaria na njĩra ĩngĩ, o na gũtuĩka mũndũ no aage gũkũũrana.
| כי באחת ידבר אל ובשתים לא ישורנה׃ |
15 Rĩmwe akaaragia kĩroto-inĩ na kĩoneki-inĩ gĩa ũtukũ, rĩrĩa andũ mahĩtĩtwo nĩ toro mũnene marĩ ũrĩrĩ,
| בחלום חזיון לילה בנפל תרדמה על אנשים בתנומות עלי משכב׃ |
16 no amaarĩrie matũ-inĩ mao, na amamakie nĩguo amakaanie,
| אז יגלה אזן אנשים ובמסרם יחתם׃ |
17 nĩguo agarũre mũndũ atige kũhĩtia, na atigane na mwĩtĩĩo,
| להסיר אדם מעשה וגוה מגבר יכסה׃ |
18 nĩguo agitĩre roho wake kuuma gĩkuũ-inĩ, na agitĩre muoyo wake ndũkaniinwo na rũhiũ rwa njora.
| יחשך נפשו מני שחת וחיתו מעבר בשלח׃ |
19 Ningĩ mũndũ no arũithio na gũkomio ũrĩrĩ wa ruo, akorwo na thĩĩna wa mahĩndĩ ũtathiraga,
| והוכח במכאוב על משכבו וריב עצמיו אתן׃ |
20 o nginya ngoro yake ĩgathũũra irio, na roho wake ũgathũũra irio iria njega mũno.
| וזהמתו חיתו לחם ונפשו מאכל תאוה׃ |
21 Nyama cia mwĩrĩ wake ihĩnjaga igathirĩrĩkĩra, na mahĩndĩ make marĩa mataroonekaga makoimĩra.
| יכל בשרו מראי ושפי עצמותיו לא ראו׃ |
22 Roho wake ũgakuhĩrĩria mbĩrĩra, na muoyo wake ũgakuhĩrĩria arĩa mareehage gĩkuũ.
| ותקרב לשחת נפשו וחיתו לממתים׃ |
23 “No rĩrĩ, angĩkorwo harĩ na mũraika mwena wake arĩ mũiguithania, ũmwe harĩ ngiri, wa kwĩra mũndũ ũndũ ũrĩa ũmwagĩrĩire,
| אם יש עליו מלאך מליץ אחד מני אלף להגיד לאדם ישרו׃ |
24 nake amũkinyĩrie wega wake na oige atĩrĩ, ‘Mũhonokie ndagatuĩke wa gũikũrũka mbĩrĩra-inĩ; nĩnyonete gĩa kũmũkũũra nakĩo,’
| ויחננו ויאמר פדעהו מרדת שחת מצאתי כפר׃ |
25 hĩndĩ ĩyo nyama cia mwĩrĩ wake igeethĩha ta cia mwana; igaacooka ta ũrĩa ciarĩ matukũ-inĩ ma wĩthĩ wake.
| רטפש בשרו מנער ישוב לימי עלומיו׃ |
26 Ahooyaga Ngai ageekwo wega nĩwe, oonaga ũthiũ wa Ngai akaanĩrĩra nĩ gũkena; agacookio ũthingu-inĩ wake nĩ Ngai.
| יעתר אל אלוה וירצהו וירא פניו בתרועה וישב לאנוש צדקתו׃ |
27 Nake agacooka agathiĩ kũrĩ andũ akameera atĩrĩ, ‘Nĩndehirie, na ngĩogomia ũndũ ũrĩa warĩ wa ma, no ndiigana kũherithio ũrĩa ndaagĩrĩirwo nĩkũherithio.
| ישר על אנשים ויאמר חטאתי וישר העויתי ולא שוה לי׃ |
28 Nĩakũũrire roho wakwa ndũkaharũrũkio mbĩrĩra, na niĩ ngũtũũra ngenagĩra ũtheri ũcio.’
| פדה נפשי מעבר בשחת וחיתי באור תראה׃ |
29 “Mũrungu nĩekaga mũndũ maũndũ macio mothe, maita meerĩ o na kana matatũ,
| הן כל אלה יפעל אל פעמים שלוש עם גבר׃ |
30 nĩguo agarũre roho wake ndũkaharũrũkio mbĩrĩra, nĩgeetha ũtheri ũcio wa muoyo ũmũtherere.
| להשיב נפשו מני שחת לאור באור החיים׃ |
31 “Atĩrĩrĩ Ayubu, tega matũ na ũũthikĩrĩrie; kira ki na niĩ njarie.
| הקשב איוב שמע לי החרש ואנכי אדבר׃ |
32 Wakorwo ũrĩ na ũndũ wa kuuga-rĩ, njĩĩra; aria, nĩgũkorwo ingĩenda woneke ndwĩhĩtie.
| אם יש מלין השיבני דבר כי חפצתי צדקך׃ |
33 No akorwo ti ũguo-rĩ, wee gĩthikĩrĩrie; kira ki, na nĩngũkũruta ũũgĩ.”
| אם אין אתה שמע לי החרש ואאלפך חכמה׃ |
