Ayubu 15
1 Nake Elifazu ũrĩa Mũtemaani akĩũria atĩrĩ:
| ויען אליפז התימני ויאמר |
2 “Mũndũ mũũgĩ no acookie ũhoro na kwĩgereria, kana aiyũrie nda yake na rũhuho ruumĩte na irathĩro?
| החכם יענה דעת-רוח וימלא קדים בטנו |
3 No eciirĩrĩre na ciugo cia tũhũ, kana na mĩario ĩtarĩ bata?
| הוכח בדבר לא-יסכון ומלים לא-יועיל בם |
4 No wee-rĩ, nĩũracambia ũhoro wa gwĩtigĩra Ngai, na ũkagirĩrĩria ũhoro wa andũ kwĩrutĩra Mũrungu.
| אף-אתה תפר יראה ותגרע שיחה לפני-אל |
5 Mehia maku nĩmo mataaraga kanua gaku; nawe ũthuurĩte kwaria na rũrĩmĩ rwa mũndũ mwara.
| כי יאלף עונך פיך ותבחר לשון ערומים |
6 Kanua gaku wee mwene nĩko karagũtuĩra ciira, ti gakwa: nayo mĩromo yaku wee mwene ĩkaaria ũira wa gũgũũkĩrĩra.
| ירשיעך פיך ולא-אני ושפתיך יענו-בך |
7 “Wee nĩwe mũndũ wa mbere gũciarwo? Wee-rĩ, waciarirwo mbere ya irĩma igĩe ho?
| הראישון אדם תולד ולפני גבעות חוללת |
8 Wee nĩũthikagĩrĩria ndundu ya Ngai? Wee wiki-rĩ, nowe ũrigĩtie na ũũgĩ?
| הבסוד אלוה תשמע ותגרע אליך חכמה |
9 Nĩ atĩa ũũĩ ithuĩ tũtooĩ? Nĩ ũmenyo ũrĩkũ ũrĩ naguo ithuĩ tũtarĩ?
| מה-ידעת ולא נדע תבין ולא-עמנו הוא |
10 Tũrĩ na athuuri marĩ na mbuĩ na arĩa akũrũ mũno, andũ akũrũ o na gũkĩra thoguo.
| גם-שב גם-ישיש בנו-- כביר מאביך ימים |
11 Ndũiganĩtwo nĩ ũhoorerania wa Mũrungu, o na kana ũhoro ũcio warĩirio na ũhooreri?
| המעט ממך תנחומות אל ודבר לאט עמך |
12 Ngoro yaku ĩgũteete nĩkĩ, na nĩ kĩĩ kĩratũma ũikare ũkiunaga maitho,
| מה-יקחך לבך ומה-ירזמון עיניך |
13 nĩguo werekerie marakara maku kũrĩ Mũrungu, o na ũgaitũrũra ciugo ta icio kuuma kanua gaku?
| כי-תשיב אל-אל רוחך והצאת מפיך מלין |
14 “Mũndũ akĩrĩ kĩ, atĩ no ahote gũtuĩka mũtheru, o na mũndũ ũciarĩtwo nĩ mũndũ-wa-nja nake akĩrĩ kĩĩ, atĩ no ahote gũtuĩka mũthingu?
| מה-אנוש כי-יזכה וכי-יצדק ילוד אשה |
15 Angĩkorwo Ngai ndangĩhota kwĩhoka andũ arĩa ake aamũre-rĩ, na kũngĩkorwo o na igũrũ ti gũtheru maitho-inĩ make-rĩ,
| הן בקדשו לא יאמין ושמים לא-זכו בעיניו |
16 mũndũ akĩrĩ kĩ atĩ amwĩhoke? Mũndũ nĩ mwaganu na nĩ kĩmaramari, anyuuaga waganu ta maaĩ!
| אף כי-נתעב ונאלח איש-שתה כמים עולה |
17 “Wee ta thikĩrĩria na nĩngũgũtaarĩria; reke ngwĩre ũrĩa nyonete,
| אחוך שמע-לי וזה-חזיתי ואספרה |
18 ngwĩre ũrĩa andũ arĩa oogĩ moigĩte, matekũhitha ũndũ o na ũmwe wa ũhoro ũrĩa maaheirwo nĩ maithe mao,
| אשר-חכמים יגידו ולא כחדו מאבותם |
19 (o acio oiki maaheetwo bũrũri hĩndĩ ĩrĩa gũtaarĩ mũndũ wa kũngĩ watuĩkanagia gatagatĩ-inĩ kao):
| להם לבדם נתנה הארץ ולא-עבר זר בתוכם |
20 Atĩrĩ, mũndũ mwaganu akoragwo na mĩnyamaro matukũ make mothe. Matukũ mothe ma ũcio ũtarĩ tha-rĩ, maigĩirwo o mĩnyamaro.
| כל-ימי רשע הוא מתחולל ומספר שנים נצפנו לעריץ |
21 Aiguaga o mĩgambo ya kũmakania mũno; hĩndĩ ĩrĩa maũndũ mothe moneka ta marĩ mega-rĩ, atunyani makamũtharĩkĩra.
| קול-פחדים באזניו בשלום שודד יבואנו |
22 Ndarĩ na kĩĩrĩgĩrĩro gĩa gwĩthara kuuma nduma-inĩ; etereirio kũũragwo na rũhiũ rwa njora.
| לא-יאמין שוב מני-חשך וצפו (וצפוי) הוא אלי-חרב |
23 Orũũraga agĩcaragia irio, oragie atĩrĩ, ‘Irĩ na kũ?’ Aikaraga amenyete atĩ mũthenya wa nduma ũrĩ o hakuhĩ.
| נדד הוא ללחם איה ידע כי-נכון בידו יום-חשך |
24 Mĩnyamaro na ruo rwa ngoro nĩcio imũmakagia; imũtooragia taarĩ mũthamaki wĩhaarĩirie kũmũtharĩkĩra,
| יבעתהו צר ומצוקה תתקפהו כמלך עתיד לכידור |
25 nĩ ũndũ ainainagĩria Mũrungu ngundi, na akangʼathĩria Mwene-Hinya-Wothe,
| כי-נטה אל-אל ידו ואל-שדי יתגבר |
26 akamũguthũkĩra angʼathĩtie, arĩ na ngo yake mata ya hinya.
| ירוץ אליו בצואר בעבי גבי מגניו |
27 “O na gũtuĩka ũthiũ wake nĩ mũnoru, na njohero yake ĩkaneneha nĩ kũnora-rĩ,
| כי-כסה פניו בחלבו ויעש פימה עלי-כסל |
28 agaatũũraga matũũra maanangĩku, na aikarage nyũmba itatũũragwo nĩ mũndũ, nyũmba itigairie o kũmomoka ituĩke ihumbu cia mahiga.
| וישכון ערים נכחדות--בתים לא-ישבו למו אשר התעתדו לגלים |
29 Ndagacooka gũkorwo arĩ mũtongu, naguo ũtonga wake ndũgatũũra, o na kana indo ciake itheereme kũu bũrũri-inĩ.
| לא-יעשר ולא-יקום חילו ולא-יטה לארץ מנלם |
30 Ndakahota kũũrĩra nduma; rũrĩrĩmbĩ nĩrũkahoohia thuuna ciake, nayo mĩhũmũ ya kanua ka Ngai nĩĩkamweheria.
| לא-יסור מני-חשך--ינקתו תיבש שלהבת ויסור ברוח פיו |
31 Nĩatige kwĩheenia na ũndũ wa kwĩhoka maũndũ ma tũhũ, nĩgũkorwo gũtirĩ kĩndũ makaamũrehere.
| אל-יאמן בשו נתעה כי-שוא תהיה תמורתו |
32 Ihinda rĩake rĩtanakinya-rĩ, nĩakarĩhio mũigana wake wothe, na honge ciake itikarura.
| בלא-יומו תמלא וכפתו לא רעננה |
33 Agaatuĩka ta mũthabibũ ũhũrũrĩtwo thabibũ ciaguo itarĩ njĩru, ahaane ta mũtamaiyũ ũraita kĩro kĩaguo.
| יחמס כגפן בסרו וישלך כזית נצתו |
34 Nĩgũkorwo andũ a thiritũ ya arĩa matooĩ Ngai matũũraga marĩ thaata, na mwaki nĩũgaacina hema cia arĩa mendete mahaki.
| כי-עדת חנף גלמוד ואש אכלה אהלי-שחד |
35 Magĩaga nda cia mathĩĩna, na magaciara waganu; nda ciao ithugundaga o maheeni.”
| הרה עמל וילד און ובטנם תכין מרמה |
