Esiteri 10

1 Na rĩrĩ, Mũthamaki Ahasuerusu nĩeetagia igooti mabũrũri marĩa mothe aathanaga, o nginya icigĩrĩra ciakuo cia kũraya.

Then King Ahasuerus imposed a tax on the land and on the coastlands along the sea.

2 Ha ũhoro wa ciĩko ciake cia hinya na ũhoti, hamwe na ũhoro wothe wa ũnene wa Moridekai, nginya harĩa mũthamaki aamũnenehetie-rĩ, githĩ ti mwandĩke mabuku-inĩ ma maũndũ ma athamaki a Media na Perisia?

All the achievements of his power and might, together with the full account of the greatness of Mordecai to which the king had raised him, they are written in the book of the chronicles of the kings of Media and Persia.

3 Moridekai ũrĩa Mũyahudi aarĩ wa keerĩ wathani-inĩ kuuma he Mũthamaki Ahasuerusu, na nĩeetĩkĩrĩtwo nĩ Ayahudi ta mũnene wao, na agatĩĩka mũno kũrĩ Ayahudi ao aingĩ, tondũ aacaragĩria andũ ake maũndũ mega, na akaarĩrĩria kũgaacĩra kwa Ayahudi othe.

Mordecai the Jew was second in rank to King Ahasuerus. He was great among the Jews and popular with his many Jewish brothers, for he sought the welfare of his people and he spoke for the peace of all his people.