Psalm 91

1 Der du dich in des Höchsten Schutz begibst, in des Allmächtigen Schatten weilst,

Moun ki chache pwoteksyon bò kote Bondye ki anwo nan syèl la, moun ki rete kache anba zèl Bondye ki gen tout pouvwa a

2 vom Herrn sprich so: "Mein Schirm und meine Burg, mein Gott, auf den ich baue!"

ka di Seyè a: -Se ou ki tout defans mwen. Se ou ki tout pwoteksyon mwen. Ou se Bondye mwen. Se nan ou mwen mete tout konfyans mwen.

3 Aus Jägers Schlinge löst er dich und vor dem Anschlag voller Tücke.

Se li menm ki p'ap kite ou pran nan pèlen, ki p'ap kite maladi ki pou touye ou tonbe sou ou.

4 Mit seinen Schwingen deckt er dich; geborgen bist du unter seinen Fittichen. Ein Schirm und Schild ist seine Treue.

L'ap kouvri ou anba zèl li. Anyen p'ap rive ou kote ou kache a. L'ap toujou kenbe pawòl li: Se sa ki pwoteksyon ou, se sa ki defans ou.

5 Kein nächtlich Grauen darf dich schrecken, kein Pfeil, der an dem Tage fliegt,

Ou pa bezwen pè bagay k'ap fè moun pè lannwit, ni kè ou pa bezwen kase pou malè ki ka rive ou lajounen.

6 und keine Seuche, die im Finstern schleicht, und keine Pest, die an dem hellen Mittag wütet.

Ou pa bezwen pè move maladi k'ap tonbe sou moun nan mitan lannwit, ni epidemi k'ap touye moun gwo midi.

7 Ob Tausend dir zur Seite fallen, Zehntausende zu deiner Rechten, dich wird es nicht treffen.

Mil (1.000) moun te mèt tonbe sou bò gòch ou, dimil (10.000) sou bò dwat ou, anyen p'ap rive ou.

8 Du siehst es nur mit deinen Augen, wenn du der Übeltäter Strafgericht erlebst.

W'ap rete konsa, w'ap gade, w'a wè jan y'ap bay mechan yo sa yo merite.

9 So sprich: "Der Herr ist meine Zuversicht". Zu deinem Freunde nimmst du dir den Höchsten.

Paske ou pran Seyè a pou defans ou, paske ou pran Bondye ki anwo nan syèl la pou pwoteksyon ou,

10 Dir kann kein Unheil widerfahren und keine Plage deinem Zelte nahen.

okenn malè p'ap rive ou, okenn mechan p'ap ka pwoche bò kot kay ou.

11 Denn deinetwegen gibt er seinen Engeln das Gebot, auf allen deinen Wegen dich zu hüten.

Bondye ap pase zanj li yo lòd pou yo veye sou ou, pou yo pwoteje ou kote ou pase.

12 Auf Händen sollen sie dich tragen, daß nicht dein Fuß an Steine stoße.

Y'ap pote ou nan men yo. pou ou pa kase zòtèy pye ou sou okenn wòch.

13 Auf Löwen und auf Nattern reitest du; du fährst auf jungen Löwen und mit Schlangen. -

W'ap mache sou lyon ak sou sèpan, w'ap kraze jenn ti lyon yo ak eskòpyon yo anba pye ou.

14 Ich rette ihn, dieweil er an mir hängt, und schirme ihn, dieweil er meinen Namen kennt.

Bondye di: M'ap sove moun ki renmen mwen, m'ap pwoteje moun ki konnen mwen.

15 Wenn er mich ruft, so höre ich auf ihn und stehe ihm zur Seite in der Not. Ich rette ihn und bringe ihn zu Ehren.

Lè l' rele m', m'ap reponn li. Lè l' nan tray, m'ap la avèk li. M'ap delivre l', m'ap fè yo respekte l'.

16 Ich labe ihn mit langem Leben und lasse schauen ihn mein Heil.

M'ap fè l' viv lontan, m'a fè l' wè jan m'ap delivre l'.