Psalm 85

1 Auf den Siegesspender, von den Korachiten, ein Lied. Du hast Dein Land begnadet, Herr, und Jakobs Schicksal umgewandelt,

Kumqondisi wokuhlabela. Elamadodana kaKhora. Ihubo. Ulithandile ilizwe lakho, Oh Thixo; uyibuyisile inhlanhla kaJakhobe.

2 vergeben Deines Volkes Schuld, bedeckt all ihr Vergehen. (Sela)

Wazithethelela iziphambeko zabantu bakho wazisibekela zonke izono zabo.

3 Du zogst all Deinen Grimm zurück und dämpftest Deine Zornesglut.

Walubuyisela eceleni lonke ulaka lwakho wakufulathela ukuthukuthela kwakho okwesabekayo.

4 Du, unser hilfereicher Gott, geh weiterhin mit uns! Und tilge vollends Deinen Unmut wider uns!

Sivuselele njalo, Oh Nkulunkulu Msindisi wethu, ukubeke khatshana ukukucunula kwethu.

5 Willst Du denn ewig auf uns zürnen, auf alle Zeiten Deinen Zorn ausdehnen?

Uzasizondela kuze kube phakade na? Uzalugcina ulaka lwakho kuzozonke izizukulwane na?

6 Willst Du uns nicht aufs neu beleben, auf daß Dein Volk sich Deiner freue?

Kawuzukusivuselela na, ukuze abantu bakho bathokoze kuwe?

7 Erzeig uns Deine Gnade, Herr! Gewähre uns Dein Heil! -

Sitshengise uthando lwakho olungaphuthiyo, Oh Thixo, usinike insindiso yakho.

8 Ich möchte hören, was der Herr verheißt: Er spricht von Frieden für sein Volk und seine Frommen, für die, die umkehren, von Hoffnung.

Ngizalalela lokho uNkulunkulu uThixo azakutsho; uthembisa abantu bakhe ukuthula, abangcwele bakhe kodwa kabangabuyeli ebufebeni babo.

9 Schon naht sein Heil sich denen, die ihn fürchten, auf daß die Herrlichkeit in unserm Lande wieder wohne.

Ngempela insindiso iseduze kulabo abamesabayo, ukuze inkazimulo yakhe ihlale elizweni lethu.

10 Dann finden sich die Liebe und die Treue; Gerechtigkeit und Frieden küssen sich.

Uthando lokuthembeka kuyahlangana ndawonye; ukulunga lokuthula kuyangana.

11 Die Treue reckt auf Erden sich, und die Gerechtigkeit neigt sich vom Himmel.

Ukuthembeka kuqhamuka emhlabathini, ukulunga kukhanya phansi kusezulwini.

12 Der Herr beschert alsdann den Segen, und unser Land gibt seine volle Ernte wieder.

Ngeqiniso uThixo uzanika okulungileyo, lelizwe lethu lizathela isivuno salo.

13 Gerechtigkeit geht vor ihm her, und auf dem Wege seiner Schritte ist Geradheit.

Ukulunga kuhamba phambi kwakhe kulungisele izinyathelo zakhe indlela.